У Аўстраліі 13‑гадовы хлопчык праявіў неверагодную мужнасць, праплыўшы каля 4 кіламетраў у неспакойным акіяне, каб выратаваць сваю сям’ю. Ягоныя маці, брат і сястра былі знесеныя ветрам у адкрытае мора каля ўзбярэжжа Заходняй Аўстраліі, піша Бі-бі-сі.
Інцыдэнт адбыўся ў пятніцу ў заліве Географ. Сям’я каталася на сап-дошках і байдарках, калі моцны вецер аднёс іх надзіманыя судны далёка ад берага. Хлопчык паспрабаваў дабрацца назад на байдарцы, каб паклікаць дапамогу, але тая пачала напаўняцца вадой. Тады падлетак вырашыў плысці самастойна і пераадолеў каля 4 кіламетраў.
Спачатку ён плыў у ратавальнай камізэльцы, але праз некалькі гадзін зразумеў, што з ёй не зможа дабрацца да берага, і зняў яе. У выніку хлопчык каля чатырох гадзін змагаўся з хвалямі і змог падняць трывогу каля шостай вечара паводле мясцовага часу.
Пасля гэтага ратавальнікі пачалі маштабную аперацыю. Каля 20:30 верталёт знайшоў маці і двух дзяцей — 47‑гадовую жанчыну, 12‑гадовага хлопчыка і 8‑гадовую дзяўчынку. Яны трымаліся за дошку для веславання прыкладна за 14 кіламетраў ад берага. Ратавальнае судна даставіла іх на сушу.
Усе пацярпелыя былі ў ратавальных камізэльках, што дапамагло ім выжыць. Паліцыя і ратавальнікі адзначылі выключную адвагу і рашучасць падлетка, падкрэсліўшы, што менавіта яго дзеянні выратавалі жыццё маці, брата і сястры. Пасля агляду медыкамі сям’ю даставілі ў бальніцу, а пасля выпіскі яны асабіста падзякавалі ратавальнікам.
Навукоўцы нарэшце раскрылі таямніцу вострава Пасхі. У гэтым дапамаглі больш за 11 тысяч фота з дронаў
Кіты, карабель-прывід і чырвонае святло: беларус перасёк Атлантыку пад ветразем
Літовец перасякаў Ціхі акіян на вёсельнай лодцы, каб стаць першым у свеце такім чалавекам
Адзінокі ўзбуджаны дэльфін нападаў на купальшчыкаў у Японіі. Магчыма, такіх выпадкаў паўсотні
Людзей пасля крушэння карабля выратавалі дзякуючы надпісу «Help», выкладзеным імі з пальмавага лісця
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары