Палітык сёння падчас наведвання прадпрыемства «Планар» нагадаў, што 2026 год абвешчаны ў Беларусі Годам беларускай жанчыны.
«Лозунгі — гэта добра. Але трэба для жанчын рабіць, ну не кожны дзень, але хаця б раз на тыдзень, раз на месяц значнае мерапрыемства. Год пройдзе, а жанчыны будуць успамінаць гэты Год жанчыны. Трэба ў гэтым годзе зрабіць максімум для нашых жанчын. І гэта не для таго, каб спадабацца вам, жанчынам. Вы сапраўды аснова нашага жыцця», — сказаў ён.
Аляксандр Лукашэнка даручыў падумаць, якія мерапрыемствы правесці ў гэты год, каб ён запомніўся.
Звяртаючыся ў тым ліку да прысутнай старшыні Савета Рэспублікі Наталлі Качанавай і прэс-сакратара Наталлі Эйсмант, ён сказаў: «Падумайце разам з Саюзам жанчын, як нам зрабіць так, каб жанчыны запомнілі не толькі тое, што я аб’явіў Год жанчыны, але каб яны запомнілі гэты год. Што мы павінны зрабіць, якія мерапрыемствы правесці? І на мужчын не глядзіце. Яны прыстасуюцца. Падумайце, Наталля Іванаўна, вы за гэта адказная. Што скажаце, тое і будзем рабіць».
Каментары