У Італіі знайшлі тысячы слядоў дыназаўраў узростам у 210 мільёнаў гадоў
На поўначы Італіі, у рэгіёне Ламбардыя, знайшлі адно з найстарэйшых і наймаштабнейшых скапленняў слядоў дыназаўраў — ім каля 210 мільёнаў гадоў. На працягу сотняў метраў на вертыкальным схіле ў Нацыянальным парку Стэльвіа размясціліся тысячы адбіткаў лап, некаторыя з якіх дасягаюць шырыні 40 см, паведамляе Euronews.
Згодна з асноўнай гіпотэзай, следы пакінулі празаўраподы — траваедныя дыназаўры з доўгай шыяй і выразнымі кіпцюрамі. Усяго вучоныя налічылі каля 20 000 адбіткаў, хоць раней у гэтым рэгіёне слядоў дыназаўраў не знаходзілі. Па словах палеантолага Крысціяна Даль Саса, месца было літаральна запоўненае дыназаўрамі, і гэта сапраўдная навуковая каштоўнасць.
Аналіз паказвае, што дыназаўры перасоўваліся статкамі, але часам станавіліся ў кола — магчыма, для абароны. У далёкай мінуўшчыне — паміж 250 і 201 мільёнамі гадоў таму — на месцы цяперашняга схілу была раўніна, якая пазней увайшла ў склад Альпійскай горнай сістэмы.
Улады Ламбардыі, дзе ў лютым 2026 года пройдуць Зімовыя Алімпійскія гульні, назвалі знаходку «падарункам з мінулага» і плануюць папулярызаваць яе сярод турыстаў і ўдзельнікаў спартыўных спаборніцтваў. Да адбіткаў пешшу дабрацца немагчыма, таму для іх даследавання будуць выкарыстоўваць беспілотнікі і тэхналогіі дыстанцыйнага зандавання. Магчыма, у рэгіёне знойдуць і сляды іншых старажытных жывёл.
У Канадзе палеантолагі знайшлі масавае пахаванне дыназаўраў. Там ляжаць парэшткі тысяч жывёл
Навукоўцы знайшлі ўнікальнага дыназаўра «дзівакаватага выгляду»
Вучоныя знайшлі «магістраль дыназаўраў» узростам 166 мільёнаў гадоў
Вучоныя адкрылі новы тып дыназаўра, падобнага да Т-Рэкса, які лічыўся страчаным
Цяпер чытаюць
Стаў вядомы прысуд экс-памочніку Лукашэнкі Ігару Брыло4
Каментары
Ślady tyja pakinuła... kamiennie, u čas hieałahičnych pracesaŭ, kali naradžalisia Alpy.
PS. Pad Alimpijadu čaho tam tolki nia "znojduć", turyst-duryst prakaŭtnie...