U Italii znajšli tysiačy śladoŭ dynazaŭraŭ uzrostam u 210 miljonaŭ hadoŭ
Na poŭnačy Italii, u rehijonie Łambardyja, znajšli adno z najstarejšych i najmaštabniejšych skapleńniaŭ śladoŭ dynazaŭraŭ — im kala 210 miljonaŭ hadoŭ. Na praciahu sotniaŭ mietraŭ na viertykalnym schile ŭ Nacyjanalnym parku Stelvia raźmiaścilisia tysiačy adbitkaŭ łap, niekatoryja ź jakich dasiahajuć šyryni 40 sm, paviedamlaje Euronews.
Zhodna z asnoŭnaj hipotezaj, śledy pakinuli prazaŭrapody — travajednyja dynazaŭry z doŭhaj šyjaj i vyraznymi kipciurami. Usiaho vučonyja naličyli kala 20 000 adbitkaŭ, choć raniej u hetym rehijonie śladoŭ dynazaŭraŭ nie znachodzili. Pa słovach paleantołaha Kryścijana Dal Sasa, miesca było litaralna zapoŭnienaje dynazaŭrami, i heta sapraŭdnaja navukovaja kaštoŭnaść.
Analiz pakazvaje, što dynazaŭry pierasoŭvalisia statkami, ale časam stanavilisia ŭ koła — mahčyma, dla abarony. U dalokaj minuŭščynie — pamiž 250 i 201 miljonami hadoŭ tamu — na miescy ciapierašniaha schiłu była raŭnina, jakaja paźniej uvajšła ŭ skład Alpijskaj hornaj sistemy.
Ułady Łambardyi, dzie ŭ lutym 2026 hoda projduć Zimovyja Alimpijskija hulni, nazvali znachodku «padarunkam ź minułaha» i płanujuć papularyzavać jaje siarod turystaŭ i ŭdzielnikaŭ spartyŭnych spabornictvaŭ. Da adbitkaŭ pieššu dabracca niemahčyma, tamu dla ich daśledavańnia buduć vykarystoŭvać bieśpiłotniki i technałohii dystancyjnaha zandavańnia. Mahčyma, u rehijonie znojduć i ślady inšych staražytnych žyvioł.
U Kanadzie paleantołahi znajšli masavaje pachavańnie dynazaŭraŭ. Tam lažać pareštki tysiač žyvioł
Navukoŭcy znajšli ŭnikalnaha dynazaŭra «dzivakavataha vyhladu»
Vučonyja znajšli «mahistral dynazaŭraŭ» uzrostam 166 miljonaŭ hadoŭ
Vučonyja adkryli novy typ dynazaŭra, padobnaha da T-Reksa, jaki ličyŭsia stračanym
Kamientary
Ślady tyja pakinuła... kamiennie, u čas hieałahičnych pracesaŭ, kali naradžalisia Alpy.
PS. Pad Alimpijadu čaho tam tolki nia "znojduć", turyst-duryst prakaŭtnie...