Vučonyja adkryli novy typ dynazaŭra, padobnaha da T-Reksa, jaki ličyŭsia stračanym
Navukoŭcy zdoleli pieraakdryć novaha vialikaha dahistaryčnaha monstra, reštki jakoha byli znojdzieny ŭ piaskach Jehipta, a paśla zhareli ŭ połymi Druhoj suśvietnaj vajny. Pavodle danych, istota pa mocy i pamiery nie sastupała znakamitamu i hroznamu T-Reksu.
Jašče sto ź liškam hadoŭ tamu, u 1914-m, u jehipieckim aazisie Bacharyja archieołahi znajšli kostki nieviadomaha hihanta, jaki žyŭ u Paŭnočnaj Afrycy kala 95 miljonaŭ hadoŭ tamu, i paźniej adpravili ich na vyvučeńnie ŭ Miunchien. Praz try dziesiacihodździ hetaja znachodka, jak i mnohija inšyja kaštoŭnyja muziejnyja ekspanaty, byli źniščany padčas bambiožak horada ŭ Druhuju suśvietnuju vajnu, i zdavałasia niemahčymym znajści ci adnavić pra ich choć niejkija zapisy.
Adnak, jak paviedamlaje partał Interesting Engineering, vučonyja z Bavarskaha dziaržaŭnaha archiva kalekcyj paleantałohii i hieałohii (SNSB) i Miunchienskaha ŭniviersiteta Ludviha-Maksimilijana (LMU) adšukali staryja fotazdymki taho samaha škileta i dziakujučy im adkryli novaha dynazaŭra.
Jašče da bambiožak Miunchiena niamieckija paleantałohii nazvali staradaŭniuju istotu «akułazubym jaščaram» (Carcharodontosaurus). Ale novyja danyja śviedčać, što hety monstr, jaki dasiahaŭ 10 mietraŭ u daŭžyniu i byŭ nie mienšym za znakamitaha paŭnočnaamierykanskaha Tyrannosaurus Rex (Tyranazaŭr Reks), nasamreč utvaraje asobny vid.
Vučonyja dali novamu dynazaŭru nazvu Tameryraptor markgrafi u honar staražytnaj nazvy Jehipta «Tamiery» (Ta-meri, ci «Umiłavanaja ziamla») i daśledčyka Ryčarda Markhrafa, jaki i znajšoŭ pieršym kostki drapiežnika ŭ Jehipcie.
Tamieryraptar maje admietnyja prykmiety: simietryčnyja zuby i vyrazny roh na nosie. Drapiežnik hienietyčna blizki da karcharadantazaŭraŭ z Paŭnočnaj Afryki i Paŭdniovaj Amieryki, a taksama da azijackich mietryakantazaŭraŭ, što dazvalaje śćviardžać pra bolš składanuju evalucyju dahistaryčnych drapiežnikaŭ i bolš raznastajnuju faŭnu Paŭnočnaj Afryki, čym mierkavałasia raniej.
«Hetaje adkryćcio pakazvaje, što paleantołaham treba raskopvać nie tolki ziamlu, ale i staryja archivy», — adznačyli niamieckija navukoŭcy ŭ svaim novym daśledavańni.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks15
Viktar Łukašenka zaśviaciŭ na pasiadžeńni NAK svoj hadzińnik — ciažki luks
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu77
Kamientary