Прэзідэнт Украіны Уладзімір Зяленскі паведаміў у сацсетках, што правёў «доўгую і змястоўную» гутарку па тэлефоне з амерыканскімі перамоўнікамі Стывам Уіткафам і Джарэдам Кушнерам, якія раней на гэтым тыдні сустракаліся з расійскім прэзідэнтам Уладзімірам Пуціным.
У размове таксама ўдзельнічалі сакратар Рады нацыянальнай бяспекі і абароны Украіны Рустэм Умераў і начальнік Генштаба УСУ Андрэй Гнатаў, якія нядаўна сустракаліся з Уіткафам і Кушнерам у Маямі.
Зяленскі напісаў:
«Мы надалі ўвагу шматлікім аспектам і даволі хутка абмеркавалі ключавыя рэчы, якія могуць гарантаваць заканчэнне кровапраліцця і зняць пагрозу трэцяга ўварвання Расіі, а таксама пагрозу невыканання Расіяй яе абяцанняў, як гэта ўжо не раз было ў мінулым. Украіна настроеная працаваць сумленна з амерыканскім бокам і далей, каб рэальна прынесці мір», — напісаў Зяленскі, дадаўшы словы падзякі прэзідэнту ЗША Дональду Трампу.
Зяленскі дадаў, што цяпер Умераў і Гнатаў вяртаюцца ў Кіеў і дадуць яму дэталёвую справаздачу пра сваю сустрэчу:
«Не ўсе можам абмеркаваць па тэлефоне, таму трэба дэталёва папрацаваць з камандамі над ідэямі і прапановамі».
У Крамлі заявілі, што мірны план ЗША надалей будзе правіць Джарэд Кушнер
«Яны граюцца ў гульні». Мерц ды іншыя еўрапейскія лідары баяцца здрады ЗША
Тэлефоннай размовы Пуціна і Трампа пакуль не плануецца
Пуцін: Расія ў любым выпадку зойме Данбас і Наваросію
Уіткаф і Кушнер далажылі Трампу пра «прадуктыўную» сустрэчу з Пуціным
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні5
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў44
Каментары