Prezident Ukrainy Uładzimir Zialenski paviedamiŭ u sacsietkach, što pravioŭ «doŭhuju i źmiastoŭnuju» hutarku pa telefonie z amierykanskimi pieramoŭnikami Styvam Uitkafam i Džaredam Kušnieram, jakija raniej na hetym tydni sustrakalisia z rasijskim prezidentam Uładzimiram Pucinym.
U razmovie taksama ŭdzielničali sakratar Rady nacyjanalnaj biaśpieki i abarony Ukrainy Rustem Umieraŭ i načalnik Hienštaba USU Andrej Hnataŭ, jakija niadaŭna sustrakalisia z Uitkafam i Kušnieram u Majami.
Zialenski napisaŭ:
«My nadali ŭvahu šmatlikim aśpiektam i davoli chutka abmierkavali klučavyja rečy, jakija mohuć harantavać zakančeńnie krovapralićcia i źniać pahrozu treciaha ŭvarvańnia Rasii, a taksama pahrozu nievykanańnia Rasijaj jaje abiacańniaŭ, jak heta ŭžo nie raz było ŭ minułym. Ukraina nastrojenaja pracavać sumlenna z amierykanskim bokam i dalej, kab realna prynieści mir», — napisaŭ Zialenski, dadaŭšy słovy padziaki prezidentu ZŠA Donaldu Trampu.
Zialenski dadaŭ, što ciapier Umieraŭ i Hnataŭ viartajucca ŭ Kijeŭ i daduć jamu detalovuju spravazdaču pra svaju sustreču:
«Nie ŭsie možam abmierkavać pa telefonie, tamu treba detalova papracavać z kamandami nad idejami i prapanovami».
U Kramli zajavili, što mirny płan ZŠA nadalej budzie pravić Džared Kušnier
«Jany hrajucca ŭ hulni». Mierc dy inšyja jeŭrapiejskija lidary bajacca zdrady ZŠA
Telefonnaj razmovy Pucina i Trampa pakul nie płanujecca
Pucin: Rasija ŭ lubym vypadku zojmie Danbas i Navarosiju
Uitkaf i Kušnier dałažyli Trampu pra «praduktyŭnuju» sustreču z Pucinym
Palitołah Alina Charysava pahadziłasia supracoŭničać z SBU. Akazałasia, heta było KDB36
Kamientary