U Kramli zajavili, što mirny płan ZŠA nadalej budzie pravić Džared Kušnier
U Kramli zajavili, što hałoŭnym aŭtaram mahčymych dalejšych karekcirovak u prapanavanym amierykancami mirnym płanie pa zakančeńni vajny va Ukrainie budzie Džared Kušnier — ziać prezidenta ZŠA Donalda Trampa i zasnavalnik kampanii Affinity Partners. Pra heta paviedamiŭ pamočnik Pucina Juryj Ušakoŭ u intervju prapahandystu Paŭłu Zarubinu.
«Šmat u čym, kali budzie viarstacca i dalej na papiery niejki płan, jaki viadzie da ŭrehulavańnia, to ručkaj vadzić šmat u čym budzie mienavita spadar Kušnier», — skazaŭ Juryj Ušakoŭ.
Jon adznačyŭ, što prysutnaść Kušniera na niadaŭniaj sustrečy ŭ Kramli vielmi spryjała pieramovam, bo nadała razmovie «bolš sistemnaści» i stała dobrym dadatkam da «abajańnia i pryjaznaści» śpiecpasłanika ZŠA Styva Uitkafa. Jon taksama padkreśliŭ, što Pucin i Uitkaf razmaŭlali vielmi pa-siabroŭsku i chutka znachodzili ahulnuju movu.
Pieramovy Pucina z Uitkafam i Kušnieram adbylisia 2 śniežnia. Amierykanskija pradstaŭniki pryvieźli ŭ Maskvu prapanavany i ŭzhodnieny z Kijevam i Jeŭrasajuzam prajekt mirnaha płana. Adnak, pavodle krynic NBC News, Pucin admoviŭsia iści na kampramis pa niekalkich klučavych pytańniach: statusie terytoryj Danbasa, abmiežavańni kolkaści ŭkrainskaha vojska i mižnarodnym pryznańni zachoplenych Rasijaj terytoryj. Pierad sustrečaj amierykancaŭ trymali ŭ čakańni kala troch hadzin, pakul Pucin vystupaŭ na forumie «Rasija kliča».
Paśla piacihadzinnaj razmovy Ušakoŭ paviedamiŭ, što pakul nivodnaha kampramisnaha varyjanta dakumienta niama: častka prapanoŭ ZŠA Maskvu zadavalniaje, častka — nie. Pry hetym baki damovilisia nie raskryvać padrabiaznaściaŭ pieramoŭ.
Paśla razmovy ŭ Kramli Uitkaf i Kušnier admovilisia ad zapłanavanaj sustrečy z Uładzimiram Zialenskim i adrazu viarnulisia ŭ Vašynhton, choć pieršapačatkova źbiralisia naviedać taksama Brusiel.
Prezident ZŠA Donald Tramp paźniej adznačyŭ, što pieramovy jaho pradstaŭnikoŭ z Pucinym prajšli «vielmi dobra». Pa jaho słovach, u pieramoŭščykaŭ skłałasia ŭražańnie, što Pucin choča skončyć vajnu i viarnucca da narmalnaha žyćcia. Tramp taksama zajaviŭ, što sučasnyja ŭmovy pahadnieńnia stali dla Kijeva horšymi, čym padčas jaho apošniaj sustrečy ź Zialenskim.
«Zarablajcie, a nie vajujcie». Tramp i Uitkaf vierać, što Pucin moža pajści na mir dziela prybytkaŭ. Abo sami marać ab zysku
«Jany hrajucca ŭ hulni». Mierc dy inšyja jeŭrapiejskija lidary bajacca zdrady ZŠA
«Nie mahu skazać, što atrymajecca». Tramp chvalić pieramovy Uitkafa ŭ Kramli, ale nie ŭpeŭnieny ŭ ich pośpiechu
Uitkaf i Kušnier dałažyli Trampu pra «praduktyŭnuju» sustreču z Pucinym
U Majami skončyłasia sustreča pradstaŭnikoŭ Ukrainy i ZŠA
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami82
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1010
Kamientary