Міністэрства фінансаў ЗША часова адклала частку санкцый, накладзеных на расійскую нафтавую кампанію «Лукойл». Гэта азначае, што аўтазапраўкі кампаніі за межамі Расіі змогуць працягваць працу да 29 красавіка 2026 года, піша Deutsche Welle.
Дазвол выдадзены ў форме генеральнай ліцэнзіі, якая легалізуе транзакцыі гэтых заправак, каб «змягчыць шкоду для спажыўцоў і пастаўшчыкоў, якія хочуць праводзіць звычайныя транзакцыі».
У ЗША падкрэсліваюць, што рашэнне дазваляе працягваць працу АЗС «Лукойла» за мяжой, не дапускаючы пераводу сродкаў у Расію, якая знаходзіцца пад шырокімі санкцыямі ЗША і ЕС з пачатку поўнамаштабнага ўварвання ва Украіну ў 2022 годзе. Гэта часткова прыпыняе меры, уведзеныя ў кастрычніку прэзідэнтам ЗША Дональдам Трампам.
Паведамляецца, што рашэнне было прынята ў пачатку снежня, калі прадстаўнікі Белага дома сустрэліся з прэзідэнтам Расіі Уладзімірам Пуціным у Маскве. Гэта сустрэча мела на мэце пошук кампрамісу адносна ўмоў спынення вайны ва Украіне.
Санкцыі супраць «Лукойла», «Раснафты» і іх 34 даччыных кампаній былі ўведзеныя ў кастрычніку 2025 года ЗША і Вялікабрытаніяй на фоне працяглай агрэсіі Расіі ва Украіне. Гэта былі адныя з найбольш жорсткіх мер супраць расійскай нафтавай індустрыі за апошні час.
Мірны план Трампа прадугледжвае зняцце з Расіі санкцый і яе поўнае вяртанне ў сусветную эканоміку
Расія страчвае кантроль над Усходняй Еўропай — але размова не пра Беларусь
Большасць індыйскіх нафтаперапрацоўчых заводаў адмовілася ад новых закупак расійскай нафты
«Лукойл» збіраецца прадаць свае замежныя актывы пасля ўвядзення амерыканскіх санкцый
Кітайскія нафтавыя кампаніі прыпыняюць закупкі расійскай нафты праз санкцыі супраць «Раснафты» і «Лукойла»
Каментары