Большасць індыйскіх нафтаперапрацоўчых заводаў адмовілася ад новых закупак расійскай нафты
Пяць найбуйнейшых індыйскіх нафтаперапрацоўчых заводаў не сталі закупляць расійскую нафту для паставак у снежні. На гэтыя пяць НПЗ у гэтым годзе прыходзілася дзве траціны ўсіх закупак расійскай нафты Індыяй. Пра гэта паведамляе Bloomberg.
Індыя рэзка скарачае закупкі расійскай нафты на снежань. Большасць буйных індыйскіх нафтаперапрацоўчых кампаній спынілі закупкі расійскай нафты для паставак у снежні. Гэты зрух у гандлёвых схемах трэцяга па велічыні імпарцёра нафты ў свеце сведчыць пра моцны ўплыў заходніх санкцый і гандлёвых перамоў з ЗША.
Пяць найбуйнейшых індыйскіх нафтаперапрацоўшчыкаў, на долю якіх прыпадала дзве траціны імпарту расійскай нафты ў Індыю сёлета, не размясцілі ніякіх заказаў на снежань. Звычайна здзелкі на наступны месяц закрываюцца да 10‑га чысла бягучага.
Змена адбылася пасля таго, як прэзідэнт ЗША Дональд Трамп у жніўні падвоіў пошліны на ўвесь індыйскі імпарт да 50%, а ў кастрычніку ўвёў санкцыі супраць двух найбуйнейшых расійскіх вытворцаў нафты — «Раснафты» і «Лукойла».
Індыя, якая ўсё яшчэ атрымлівае 36% імпарту нафты з Расіі, вымушана шукаць альтэрнатывы. Кампаніі ўжо пачалі актыўна закупляць нафту ў ЗША, краінах Лацінскай Амерыкі і Персідскага заліва.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары