Палітолагу Суздальцаву вынеслі ў Расіі прысуд за «паклёп» на Лукашэнку
Лефортаўскі суд Масквы прызначыў 400 гадзін абавязковых работ былому выкладчыку Вышэйшай школы эканомікі Суздальцаву за нібыта паклёп на Аляксандра Лукашэнку.
Сёння ў Лефортаўскім судзе Масквы слухалася справа палітолага Андрэя Суздальцава, якога абвінавачваюць у паклёпе на Аляксандра Лукашэнку (арт. 128.1 ч. 2 і ч. 5 КК РФ). Пакаранне паводле гэтага артыкулу прадугледжвае да 5 гадоў пазбаўлення волі, паведамляе тэлеграм-канал «Слова абароне».
Прычынай для крымінальнай справы паслужылі яго выказванні ў тэлеграм-канале пра тое, што Лукашэнка «захапляўся Гітлерам» і, «кажучы пра нямецка-фашысцкі генацыд, насамрэч прыкрывае свой тэрор і, па сутнасці, нічым не адрозніваецца ад фашыстаў 1940‑х гадоў».
У красавіку мінулага года Суздальцава затрымалі ў Маскве. Сам мужчына адмаўляў сваё затрыманне, але пазней яму выставілі абвінавачанне ў паклёпе.
У студзені 2025 года справа Суздальцава была вернута на даследаванне ў пракуратуру, аднак цяпер разглядаецца нанова. У канцы кароткага пасяджэння прадстаўніца Лукашэнкі Таццяна Русецкая запатрабавала закрыць працэс ад слухачоў: хадайніцтва будзе разгледжанае наступным разам; суд быў адкладзены на 1 верасня. Папярэдні працэс таксама быў закрыты ў снежні 2024 года.
Палітолаг працаваў у Беларусі з 1993 па 2006 год. За час працы ў краіне Суздальцаў рэгулярна крытыкаваў беларускія ўлады. У 2006 годзе мужчыну дэпартавалі з Беларусі, пазбавіўшы ДНЖ. Цяпер мужчына знаходзіцца ў вышуку Беларусі за стварэнне экстрэмісцкага фармавання. Суздальцаў вёў тэлеграм-канал, які быў уключаны беларускімі ўладамі ў спіс «экстрэмісцкіх арганізацый».
У Расіі Суздальцаў працаваў у ВШЭ дацэнтам факультэта сусветнай эканомікі і палітыкі да 2021 года. Пасля яго затрымання ВНУ выдаліла з сайта профіль палітолага, меркавана, на патрабаванне беларускіх уладаў. Раней ВНУ тройчы ўключала яго ў лік найлепшых выкладчыкаў.
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары