Palitołahu Suzdalcavu vynieśli ŭ Rasii prysud za «paklop» na Łukašenku
Lefortaŭski sud Maskvy pryznačyŭ 400 hadzin abaviazkovych rabot byłomu vykładčyku Vyšejšaj škoły ekanomiki Suzdalcavu za nibyta paklop na Alaksandra Łukašenku.
Siońnia ŭ Lefortaŭskim sudzie Maskvy słuchałasia sprava palitołaha Andreja Suzdalcava, jakoha abvinavačvajuć u paklopie na Alaksandra Łukašenku (art. 128.1 č. 2 i č. 5 KK RF). Pakarańnie pavodle hetaha artykułu praduhledžvaje da 5 hadoŭ pazbaŭleńnia voli, paviedamlaje telehram-kanał «Słova abaronie».
Pryčynaj dla kryminalnaj spravy pasłužyli jaho vykazvańni ŭ telehram-kanale pra toje, što Łukašenka «zachaplaŭsia Hitleram» i, «kažučy pra niamiecka-fašyscki hienacyd, nasamreč prykryvaje svoj teror i, pa sutnaści, ničym nie adroźnivajecca ad fašystaŭ 1940‑ch hadoŭ».
U krasaviku minułaha hoda Suzdalcava zatrymali ŭ Maskvie. Sam mužčyna admaŭlaŭ svajo zatrymańnie, ale paźniej jamu vystavili abvinavačańnie ŭ paklopie.
U studzieni 2025 hoda sprava Suzdalcava była viernuta na daśledavańnie ŭ prakuraturu, adnak ciapier razhladajecca nanova. U kancy karotkaha pasiadžeńnia pradstaŭnica Łukašenki Taćciana Rusieckaja zapatrabavała zakryć praces ad słuchačoŭ: chadajnictva budzie razhledžanaje nastupnym razam; sud byŭ adkładzieny na 1 vieraśnia. Papiaredni praces taksama byŭ zakryty ŭ śniežni 2024 hoda.
Palitołah pracavaŭ u Biełarusi z 1993 pa 2006 hod. Za čas pracy ŭ krainie Suzdalcaŭ rehularna krytykavaŭ biełaruskija ŭłady. U 2006 hodzie mužčynu departavali ź Biełarusi, pazbaviŭšy DNŽ. Ciapier mužčyna znachodzicca ŭ vyšuku Biełarusi za stvareńnie ekstremisckaha farmavańnia. Suzdalcaŭ vioŭ telehram-kanał, jaki byŭ uklučany biełaruskimi ŭładami ŭ śpis «ekstremisckich arhanizacyj».
U Rasii Suzdalcaŭ pracavaŭ u VŠE dacentam fakulteta suśvietnaj ekanomiki i palityki da 2021 hoda. Paśla jaho zatrymańnia VNU vydaliła z sajta profil palitołaha, mierkavana, na patrabavańnie biełaruskich uładaŭ. Raniej VNU trojčy ŭklučała jaho ŭ lik najlepšych vykładčykaŭ.
-
Maładaja siamja z Žodzina raskazała, jak u čatyry razy skaraciła vydatki na ježu
-
Cichanoŭskaja źviarnułasia da ŭkraincaŭ: My, biełarusy, viedajem, što takoje Rasija. My viedajem jaje impierskija apietyty
-
Žychary doma ŭ «Minsk-Śviecie»: Tempieratura ŭ pakojach — nižej za 18 hradusaŭ, śpim pad dźviuma koŭdrami
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»12
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary