З 20 лістапада будуць адкрыты два раней закрытыя пункты пропуску «Меднікі» і «Салечнікі».
У сераду на пасяджэнні ўрада Літвы вырашана раней, чым планавалася, адкрыць два напрыканцы кастрычніка закрытыя пункты памежнага кантролю з Беларуссю, паведамляе LRT.
Улічваючы прынятыя 18 лістапада гэтага года рашэнні Нацыянальнай камісіі бяспекі пра тое, што абставіны змяніліся і абмежаванні перасячэння дзяржаўнай мяжы, устаноўленыя 29 кастрычніка 2025 г., больш не з’яўляюцца неабходнымі для гарантавання ўнутранай бяспекі, мэтазгодна скасаваць абмежаванні, вызначаныя згаданай пастановай (…)», — на пасяджэнні сказаў міністр унутраных спраў Уладзіслаў Кандратовіч.
Як паведамлялася раней, такі крок ураду рэкамендавала разгледзець Нацыянальная камісія бяспекі (НКБ), якая правяла пасяджэнне ў аўторак.
Прэм’ер-міністр Інга Ругінене адзначыла, што калі сітуацыя з кантрабанднымі паветранымі шарамі, якія прылятаюць з Беларусі, зноў пагоршыцца, урад пакідае за сабой права аднавіць закрыццё мяжы.
Цяпер чытаюць
Хто з беларусаў трапіў на прыём да прэзідэнта Польшчы ШМАТ ФОТА31
Каментары
Чаму ? Калі не стане на карце свету дзяржавы Беларусь, а стане чарговая калонія pасеі, то ніякай дэмакратыі , правоў чалавека, пакою не будзе ніколі. Бо ў pасейскіх імперыях ніколі дэмакратыі не было і не будзе. Бо pасея гэта Мангольская (К. Маркс) імперыя. У Мангольскіх імперыях дэмакратыі не можа быць нават тэарэтычна . I я ЦАЛКАМ Задаволены супрацоўніцтвам РБ з Краінамі НАТА
Санкцыі здымуць, а людзі так і застануцца сядзець у турме.