Кадэбэшнікі і кашалёк Лукашэнкі — стала вядома, хто кіруе новым кансервавым заводам у Новалукомлі, «аналагаў якому няма»
На рыбным рынку з'явіўся новы гулец: бізнэсовец Аляксандр Зайцаў адкрыў кансервавы завод у Новалукомлі, у кіраўніцтве — былыя супрацоўнікі КДБ.
Бізнэсовец Аляксандр Зайцаў, якога называюць «кашальком» Аляксандра Лукашэнкі, запусціў уласнае прадпрыемства па перапрацоўцы рыбнай прадукцыі — Лукомльскі кансервавы завод. Пра гэта стала вядома выданню «Бюро».
Завод быў афіцыйна адкрыты 4 кастрычніка ў Новалукомлі (Чашніцкі раён). Прадпрыемства арыентавана на перапрацоўку прэснаводнай і марской рыбы, а таксама морапрадуктаў. «Аналагаў прадукцыі Лукомльскага кансервавага завода на прасторах Беларусі няма», — кажуць на прадпрыемстве.
Уласнікі і кіраўніцтва
Значная частка долі ў новай фірме аформлена на 21‑гадовага сына бізнэсоўца — Рамана Зайцава (89%).
Яшчэ 10% належаць Васілю Дземянцею — былому намесніку старшыні КДБ і Дзяржаўнага мытнага камітэта. Пасля завяршэння кар’еры ў сілавых ведамствах Дземянцей узначальваў фірму «Брэміна груп», якой валодаюць сам Зайцаў-старэйшы і ягоныя бізнэс-партнёры: Аляксей Алексін і Мікалай Варабей.
Дырэктарам завода стаў Анатоль Каросцін. Каросцін працаваў начальнікам Лепельскага міжраённага аддзела ўпраўлення КДБ па Віцебскай вобласці. Цікава, што менавіта там у 80‑х пачынаў кар'еру і Васіль Дземянцей.
Якая дзяржпадтрымка
Будаўніцтва завода праходзіла ў межах дзяржаўнай праграмы «Адзін раён — адзін праект», ініцыяванай Лукашэнкам.
Аб’ём інвестыцый склаў больш як 18 мільёнаў беларускіх рублёў, з якіх 13,5 мільёна — крэдыт «Белаграпрамбанка».
Акрамя сродкаў, завод атрымаў участак зямлі ў 2,8 гектара, а таксама яму перададзена ў арэнду возера Лукомльскае і выдадзена квота на вылаў 50 тон прэснаводнай рыбы.
Марскую рыбу будзе пастаўляць расійскі партнёр — камчацкая фірма «Каракморапрадукт».
Акрамя выпуску кансерваў, завод узяў на сябе абавязкі зарыбляць возера і ствараць умовы для адпачынку, што дазваляе яму дадаткова зарабляць на платнай рыбалцы пад брэндам «Лукамор'е».
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары