Паводле апытання Eurobarometer, больш за палову еўрапейцаў — 56 % — падтрымліваюць далейшае пашырэнне Еўрапейскага саюза. Найбольш пазітыўна да гэтага ставяцца жыхары Швецыі (79 %), Даніі (75 %) і Літвы (74 %), а найменшую падтрымку выказалі ў Аўстрыі, Чэхіі і Францыі (каля 43—45 %), паведамляе Euronews.
Асноўнымі прыхільнікамі пашырэння з’яўляюцца моладзь і адукаваныя людзі. Сярод маладых еўрапейцаў ва ўзросце ад 15 да 24 гадоў гэтую ідэю падтрымліваюць 67 %, а сярод тых, каму ад 25 да 39 гадоў, — 63 %. Эксперты адзначаюць, што найбольш супраць пашырэння тыя маладыя людзі, якія не маюць вышэйшай адукацыі і часцей падтрымліваюць радыкальныя погляды.
Сярод чаканых плюсаў пашырэння еўрапейцы найчасцей называюць:
- павелічэнне ўплыву ЕС у свеце (37 %);
- узмацненне ўнутранага рынку (37 %);
- паляпшэнне салідарнасці паміж краінамі-членамі (30 %).
Аднак існуюць і страхі:
- 40 % баяцца росту іміграцыі;
- 39 % — карупцыі і злачыннасці,
- 37 % — дадатковых выдаткаў для падаткаплатнікаў.
Большасць рэспандэнтаў (44 %) лічаць, што пашырэнне павінна адбывацца толькі пры ўмове забеспячэння вяршэнства закона і барацьбы з карупцыяй. Таксама 38 % заклікаюць краіны-кандыдаты ўзяць абавязацельствы па рэформах у адпаведнасці са стандартамі ЕС.
Пытанне пашырэння будзе абмяркоўвацца 4 лістапада ў Бруселі на спецыяльным саміце, дзе кіраўнікі краін-кандыдатаў сустрэнуцца з прадстаўнікамі ЕС.
Цяпер чытаюць
Брат Колі Лукашэнкі будуе фармацэўтычны комплекс за $10 мільёнаў11
Брат Колі Лукашэнкі будуе фармацэўтычны комплекс за $10 мільёнаў
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары