Латушка: Заява Карпушонак у паліцыю Іспаніі — поўны прававы абсурд
Кіраўнік НАУ пракаментаваў заяву Вольгі Карпушонак у іспанскую паліцыю аб дамаганнях.
«Прафесійны адвакат, якім з'яўляецца і сама Вольга Карпушонак, ніколі б не напісала нічога падобнага. Любы сапраўдны юрыст не дасць гэтаму псеўдаюрыдычнаму опусу іншай характарыстыкі, акрамя як поўны прававы абсурд. Відавочна, што складальнік дадзенага допісу нават блізка не знаёмы з базавымі элементамі складання падобных заяў», — напісаў Павел Латушка ў сваім тэлеграм-канале.
«Звярну ўвагу, што Вольга Карпушонак накіравала тэкст на англійскай мове ў паліцыю Іспаніі, дзе афіцыйнай з'яўляецца іспанская мова. Пры гэтым Вольга Карпушонак, не з’яўляючыся грамадзянкай Іспаніі, не маючы дазволу на жыхарства ў краіне, пакінула тэрыторыю Іспаніі, што робіць немагчымым ужыванне юрысдыкцыі дадзенай краіны для разгляду яе заявы», — зазначае палітык.
«Гэта сведчыць аб тым, што Вольга Карпушонак або асобы, якія стаяць за ёй, нават не разлічваюць на тое, што дадзеная заява будзе разгледжаная. Заява зробленая з адзінай мэтай — зрабіць чарговы ўкід, усё роўна якой якасці, для працягнення інфармацыйнай атакі.
Што датычыцца «доказаў». Ніякіх «доказаў» зноў не прадстаўлена, бо іх няма і быць не можа. Не можа быць і ніякіх SMS. І ўсё гэта лёгка правяраецца і абвяргаецца. Яны могуць быць толькі сфальсіфікаваныя, як і само гэта хлуслівае абвінавачванне. Мы паведамлялі пра тое, што Вольга выдаліла ўсю перапіску ў Telegram са мной і Арцёмам Праскаловічам 30 жніўня.
Каментаваць гэта далей проста не мае сэнсу. Са свайго боку я прыму адпаведныя прававыя меры, пра што праінфармую грамадскасць», — дадаў Павел Латушка.
«Латушка, ты ўліп па поўнай». Павел Латушка расказаў пра новы ліст з пагрозамі
Паўлу Латушку прыслалі беларускамоўны ліст з запалохваннямі і парадамі, што рабіць
У верасні Карпушонак планавала трапіць на сесію ПАРЕ, але апошні месяц яе паводзіны змяніліся — Ворыхава
Вольга Карпушонак з'ехала ў Рыа-дэ-Жанэйра?
Карпушонак апублікавала тэкст сваёй заявы на Латушку ў іспанскую пракуратуру
Мартынава: Карпушонак сказала мне, што вылецела з Іспаніі
Нехта ад імя Вольгі Карпушонак выйшаў на сувязь з «Нашай Нівай»
Каментары