У верасні Карпушонак планавала трапіць на сесію ПАРЕ, але апошні месяц яе паводзіны змяніліся — Ворыхава
Прадстаўніца па справах моладзі і студэнцтва Аб'яднанага пераходнага кабінета Маргарыта Ворыхава, якая блізка працавала з дэлегаткай Каардынацыйнай рады Вольгай Карпушонак, расказала пра яе больш у эфіры «Еўрарадыё».
Маргарыта Ворыхава пазнаёмілася з Вольгай Карпушонак падчас выбараў дэлегацыі ў ПАРЕ ад Каардынацыйнай рады. Больш шчыльныя працоўныя і асабістыя стасункі пачаліся падчас сумеснай паездкі на сесію ПАРЕ.
«Яна заўсёды прэзентавала сябе як тую, хто адвакатуе правы беларусаў. (…) Яна выглядала напрыканцы нашага супрацоўніцтва з ёй як чалавек, якому вельмі баліць за беларусаў», — падкрэслівае Маргарыта.
Яна прыгадвае сустрэчу з украінскай дэлегацыяй, дзе Карпушонак прадэманстравала глыбокае разуменне праблем беларусаў ва Украіне і кампетэнтна ўздымала важныя пытанні.
Адносіны з Паўлам Латушкам
Асобна Ворыхава спыняецца на адносінах Карпушонак з Паўлам Латушкам. Па яе назіраннях, паміж імі не было ніякіх бачных канфліктаў ці праблем:
«Яны паводзілі сябе даволі па-сяброўску, скажам так, па міміцы там не было зразумела, што там нейкі ёсць бэкграўнд, калі ён быў», —
кажа яна. Менавіта адсутнасць бачных канфліктаў у мінулым прымушае Ворыхаву схіляцца да версіі аб знешнім умяшанні ў сітуацыю з Вольгай.
«Я бачыла гэтае вось узаемадзеянне паміж Вольгай і паміж Паўлам, я б зрабіла такую выснову, што гэта можа быць усё ж такі правакацыя спецслужбаў, таму што гэта (дамаганні і пагрозы. — НН) было б бачна хаця б у нечым.
Таму я вось зараз схіляюся больш да версіі таго, што (…) можа, напрыканцы працы з ёй штосьці здарылася, ці там, не ведаю, нейкае было псіхалагічнае становішча, якое яе, як бы, прымусіла да таго, каб яна пасупрацоўнічала са спецслужбамі».
Змена настрою ў апошні месяц
Па словах Ворыхавай, у яе з Карпушонак былі даволі блізкія стасункі, яны перапісваліся па-за працай.
Аднак за апошні месяц, у жніўні, Маргарыта заўважыла трывожныя змены ў паводзінах і настроі Вольгі. Яна мяркуе, што ў Карпушонак мог быць «крыху дэпрэсіўны стан», выкліканы расчараваннем у працы ці нерэалізаванымі амбіцыямі.
«Штосьці такое было ў яе ў тоне камунікацыі, што паказвала, што яна, можа, не ў самым лепшым стане», — тлумачыць Маргарыта і дзеліцца назіраннем, што іх зносіны сталі іншымі:
«Яна заўсёды была такая больш аптымістычная, яна жартавала неяк у камунікацыі. А вось апошнія разы яна проста неяк суха адказвала на паведамленні».
Гэта было асабліва заўважна падчас падрыхтоўкі да сесіі ПАРЕ, у якой у верасні Карпушонак планавала ўдзельнічаць:
«Мы абмяркоўвалі нейкія тэзісы, якія яна прэзентавала на гэтай сесіі ПАРЕ, якая адбудзецца вось менавіта ўжо ў верасні, то-бок яна планавала на яе трапіць неяк. І вось у гэтай камунікацыі яна проста вяла сябе неяк не па-сяброўску, не так, як звычайна».
Гэтыя змены ў паводзінах, на думку Ворыхавай, могуць быць ключом да разумення сітуацыі. Яна не выключае, што менавіта ў гэты момант псіхалагічнай уразлівасці на Вольгу маглі выйсці спецслужбы.
«Можа быць, якраз у гэты момант такога асабістага ўпадку да яе звярнуліся спецслужбы і ў гэты момант пачалі апрацоўку, можа, ёй пачалі пагражаць чымсьці. Я не ведаю гэтых дэталяў, але вось такое ў мяне асабістае адчуванне», — дзеліцца сваёй гіпотэзай Маргарыта.
Карпушонак апублікавала тэкст сваёй заявы на Латушку ў іспанскую пракуратуру
Дэлегатка КР Карпушонак пасля маўчання апублікавала відэа
Дзе ж сама дэлегатка КР Карпушонак, якая абвінаваціла Латушку?
«Яе дзеянні інспіраваныя спецслужбамі». Павел Латушка даў жывы эфір і адказаў на абвінавачванні Вольгі Карпушонак у дамаганнях
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары