Пасля ўчорашняга допісу ў фэйсбуку яна не адказвае ў месенджарах.
Дэлегатка Каардынацыйнай рады Вольга Карпушонак учора абвінаваціла Паўла Латушку ў харасменце. Тое абвінавачанне палітык адразу абверг і ўказаў на нестыкоўкі ў словах Вольгі. Латушка таксама заявіў, што ў каманды НАУ раней былі падазрэнні наконт магчымага супрацоўніцтва жанчыны са спецслужбамі замежнай дзяржавы. Ёй прапанавалі прайсці паліграф, пасля чаго яна спыніла супрацоўніцтва з камандай НАУ.
Праз нейкі час Карпушонак напісала ў фэйсбуку, што яе сацсеткі нібыта ламаюць і больш не адказвала.
Карэспандэнт «Нашай Нівы» пісаў Карпушонак у тэлеграме, але там яна маўчыць. Хоць яе акаўнт актыўны — апошні візіт быў 31 жніўня ў 12.22.
Сама дэлегатка пасля пераезду з Украіны жыла ў Польшчы. Але выглядае, што яна ўжо не там. Прынамсі відэа з абвінавачаннем Латушкі, якое Вольга выкладала ў фэйсбуку 30 жніўня, было запісана ў іншай краіне.
Мяркуючы па пейзажы за спінай Вольгі, знятае яно на поўдні Іспаніі. Магчыма, у Гранадзе — там ёсць калона, падобная да той, што на кадрах Карпушонак. Расліннасць таксама падобная да таго рэгіёну. Аднак якасць відэа не надта высокая, каб сказаць дакладна.
Паплечніца па Каардынацыйнай Радзе Карпушонак Таццяна Мартынава выказвала версію, што Вольга цяпер не ў ЕС. Апошні раз яна бачылася з Вольгай на канферэнцыі «Новая Беларусь» у Варшаве 9—10 жніўня.
«Яе дзеянні інспіраваныя спецслужбамі». Павел Латушка даў жывы эфір і адказаў на абвінавачванні Вольгі Карпушонак у дамаганнях
«Не веру, што гэта піша яна». Таццяна Мартынава сцвярджае, што Карпушонак таксама знікла
Пры Латушку кругласутачна знаходзіцца прылада, якая можа вылічыць яго месцазнаходжанне з дакладнасцю да метра
Латушка абвяргае абвінавачанні ў харасмэнце ад дэлегаткі КР Карпушонак
Цяпер чытаюць
Пасадзілі падпалкоўніка і былога выкладчыка Вайсковай акадэміі. Ён падтрымаў народ у 2020-м3
Каментары
Забылася толькі спярша зняць фотку з аўтаматчыкам "за Данбас"
Дзяўчыны яны няпамятлівыя і легкадумныя