Łatuška: Zajava Karpušonak u palicyju Ispanii — poŭny pravavy absurd
Kiraŭnik NAU prakamientavaŭ zajavu Volhi Karpušonak u ispanskuju palicyju ab damahańniach.
«Prafiesijny advakat, jakim źjaŭlajecca i sama Volha Karpušonak, nikoli b nie napisała ničoha padobnaha. Luby sapraŭdny juryst nie daść hetamu psieŭdajurydyčnamu opusu inšaj charaktarystyki, akramia jak poŭny pravavy absurd. Vidavočna, što składalnik dadzienaha dopisu navat blizka nie znajomy z bazavymi elemientami składańnia padobnych zajaŭ», — napisaŭ Pavieł Łatuška ŭ svaim telehram-kanale.
«Źviarnu ŭvahu, što Volha Karpušonak nakiravała tekst na anhlijskaj movie ŭ palicyju Ispanii, dzie aficyjnaj źjaŭlajecca ispanskaja mova. Pry hetym Volha Karpušonak, nie źjaŭlajučysia hramadziankaj Ispanii, nie majučy dazvołu na žycharstva ŭ krainie, pakinuła terytoryju Ispanii, što robić niemahčymym užyvańnie jurysdykcyi dadzienaj krainy dla razhladu jaje zajavy», — zaznačaje palityk.
«Heta śviedčyć ab tym, što Volha Karpušonak abo asoby, jakija stajać za joj, navat nie raźličvajuć na toje, što dadzienaja zajava budzie razhledžanaja. Zajava zroblenaja z adzinaj metaj — zrabić čarhovy ŭkid, usio roŭna jakoj jakaści, dla praciahnieńnia infarmacyjnaj ataki.
Što datyčycca «dokazaŭ». Nijakich «dokazaŭ» znoŭ nie pradstaŭlena, bo ich niama i być nie moža. Nie moža być i nijakich SMS. I ŭsio heta lohka praviarajecca i abviarhajecca. Jany mohuć być tolki sfalsifikavanyja, jak i samo heta chłuślivaje abvinavačvańnie. My paviedamlali pra toje, što Volha vydaliła ŭsiu pierapisku ŭ Telegram sa mnoj i Arciomam Praskałovičam 30 žniŭnia.
Kamientavać heta dalej prosta nie maje sensu. Sa svajho boku ja prymu adpaviednyja pravavyja miery, pra što prainfarmuju hramadskaść», — dadaŭ Pavieł Łatuška.
«Łatuška, ty ŭlip pa poŭnaj». Pavieł Łatuška raskazaŭ pra novy list z pahrozami
Paŭłu Łatušku prysłali biełaruskamoŭny list z zapałochvańniami i paradami, što rabić
U vieraśni Karpušonak płanavała trapić na siesiju PARIE, ale apošni miesiac jaje pavodziny źmianilisia — Vorychava
Volha Karpušonak źjechała ŭ Rya-de-Žanejra?
Karpušonak apublikavała tekst svajoj zajavy na Łatušku ŭ ispanskuju prakuraturu
Martynava: Karpušonak skazała mnie, što vylecieła ź Ispanii
Niechta ad imia Volhi Karpušonak vyjšaŭ na suviaź z «Našaj Nivaj»
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary