Siamiejnuju paru ź Bieraściejščyny asudzili na šalonyja terminy za dapamohu Ukrainie
Dźmitryja i Volhu Kapuzaŭ asudzili na 24 i 21 hod pazbaŭleńnia voli adpaviedna. Taksama paru ŭnieśli ŭ «śpis terarystaŭ». Dźmitryja i Volhu abvinavačvali ŭ «teraryźmie» i «niezakonnych dziejańniach z bojeprypasami», piša «Viasna».
36‑hadovych Dźmitryja i Volhu Kapuzaŭ zatrymali 16 studzienia 2024 hoda. Muž z žonkaj rodam z Drahičynskaha rajona, žyli kala biełaruska-ŭkrainskaj miažy.
Pa zatrymańni na dziaržtelebačańni vyjšaŭ prapahandyscki rolik «Začistka. Boŕba s diviersantami i ahientami śpiecsłužb Ukrainy v Biełarusi», u jakim abaich abvinavačvali ŭ kantrabandzie z Ukrainy.
Tady ahułam zatrymali hrupu z 12 asob. Pavodle viersii prapahandystaŭ, para pracavała na śpiecsłužby Ukrainy. Śćviardžałasia, što žychary Drahičynskaha rajona dapamahali Słužbie biaśpieki Ukrainy — zabirali vybuchoŭku i rabili schovanki na terytoryi Biełarusi
U prapahandysckim videa pakazali, jak Dźmitryju pry zatrymańni prastrelili ściahno. A paźniej — jak jon pierasoŭvajecca na mylicach. Brata Dźmitryja adrazu pa zatrymańni supracoŭniki KDB źbivali pa hałavie.
Siamiejnuju paru abvinavačvali ŭ «akcie teraryzmu» (art. 289 KK RB) i pavodle č. 4 art. 295 KK RB (niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ).
Dźmitryju pryznačyli 24 hady, Volzie — 21 hod kałonii. Taksama im pryznačyli vializnyja štrafy. Sutnaść abvinavačvańnia nieviadomaja. Sud prachodziŭ u zakrytym režymie.
Letam 2025 hoda Dźmitryja i Volhu ŭnieśli ŭ «śpis terarystaŭ».
-
Biełarusy, jakim nie ŭdałosia atrymać adukacyjnyja dakumienty na radzimie, mohuć pastupać u polskija VNU pa śpiecyjalnaj pracedury
-
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
-
Karajeŭ užo nabraŭ na Hrodzienščynie pieršy ŭzvod niadbajnych ahraryjaŭ
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary