U radzilni rasijskaha Novakuźniecka za navahodnija śviaty pamierli dzieviać niemaŭlat
Trahiedyja zdaryłasia ŭ rasijskaj Novakuźnieckaj haradskoj balnicy №1 (Rasija), dzie za čas navahodnich śviat pamierli adrazu dzieviać novanarodžanych. Hetuju infarmacyju aficyjna paćvierdziŭ ministr achovy zdaroŭja Kuzbasa Andrej Tarasaŭ.
Pavodle słoŭ ministra, ciapier u miedycynskaj ustanovie pracuje kamisija Minzdaroŭja dla acenki pryčyn i praduchileńnia dalejšych śmiarotnych vypadkaŭ. Dakładnyja pryčyny hibieli niemaŭlat pakul nie ahučvajucca, a vyniki pravierki abiacajuć abviaścić tolki paśla jaje zaviaršeńnia.
Na fonie skandału i masavych skarhaŭ Śledčy kamitet Kiemieraŭskaj vobłaści zavioŭ kryminalnuju spravu pavodle č. 3 art. 109 KK RF (pryčynieńnie śmierci ź nieaściarožnaści dźvium abo bolš asobam).
Rašeńniem hubiernatara rehijona hałoŭny doktar balnicy Vital Chieraskaŭ časova adchileny ad pasady.
U aŭtorak, 13 studzienia, stała viadoma, što radzilnia całkam prypyniła pryjom novych pacyjentak. Aficyjnaj pryčynaj prypynieńnia nazvali «pieravyšeńnie paroha zachvorvalnaści na reśpiratornyja infiekcyi ŭ akušerskim stacyjanary». Svajaki zahinułych maleč padazrajuć, što sapraŭdnaj pryčynaj mahła stać unutrybalničnaja infiekcyja abo surjoznaja chałatnaść piersanału padčas śviatočnych dzion.
Kamientary
jak kazaŭ S. Brin "Nihieryja ŭ Śniezie", tamu niahledziačy na usio RT prapahandu 96% Biełarusaŭ suprać anšlusa