Palitźniavolenaja ŭ Homielskaj kałonii zaciažaryła na spatkańni, joj chutka naradžać
Heta fotailustratarka Natalla Levaja, jakuju aryštavali na miažy paśla viartańnia ŭ Biełaruś.
«Bolš za ŭsio siońnia mianie chvaluje Nataša Levaja. Adbyŭsia cud: paśla spatkańnia z mužam jana zaciažaryła. Da hetaha para doŭhi čas nie mahła zavieści dziaciej. Naradžać Natašy prykładna ŭ sakaviku. Tak chočacca, kab heta adbyłosia ŭ inšych umovach», — napisała ŭ sacsietkach byłaja palitźniavolenaja, hałoŭny redaktar Tut.by Maryna Zołatava.
Natalla Levaja — ilustratarka z Bresta. Imavierna, paśla pačatku vajny jana vyjechała ŭ Polšču, dzie pracavała mastačkaj i mastačkaj-pastanoŭščycaj. U śniežni 2023‑ha Natalla zvolniłasia i vyrašyła viarnucca na radzimu. Kalehi adhavorvali žančynu viartacca dadomu, ale jana skazała, što mocna sumuje pa radzimie dy ŭžo spłaciła ŭ kratnym pamiery danaty za 2020‑y i maje papieru ad KDB.
Natallu zatrymali na miažy 8 maja 2024 hoda. Źviestki pra achviaravańni mahli znajści ŭ jaje bankaŭskaj prahramie, asabistych pierapiskach, prahramie dla kupli kryptavalutaŭ, fota ci pamiaci telefona.
Jaje asudzili na šeść hadoŭ kałonii va ŭmovach ahulnaha režymu. Akramia hetaha, jaje aštrafali na 1000 bazavych vieličyń (40 tysiač rubloŭ) — amal na takuju sumu, jakuju Natalla zadanaciła ŭ inicyjatyvy i fondy.
Natallu Levuju pryznali vinavataj pavodle nastupnych artykułaŭ Kryminalnaha kodeksa: č. 2 art. 361‑1 (finansavańnie ekstremisckaj dziejnaści), č. 2 art. 361‑3 (finansavańnie ŭdziełu na terytoryi zamiežnaj dziaržavy ŭ vajennych dziejańniach) i art. 361‑2 (finansavańnie dziejnaści ekstremisckaha farmavańnia)
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary