U Homieli prachodzić fiestyval śniehavych skulptur, jaki pieratvaryŭ centr horada kala cyrka ŭ sapraŭdnuju mastackuju placoŭku. Na vačach u minakoŭ ź vialikich błokaŭ śniehu stvarajucca trochmietrovyja art-abjekty, piša Times.by.
U pracy ŭdzielničajuć biełaruskija skulptary — členy Sajuza mastakoŭ, vykładčyki i vypuskniki Akademii mastactvaŭ, a taksama maładyja majstry.
Kožnaja forma źmiaščaje da 5 ton śniehu, ale ŭražvaje nie abjom, a fantazija aŭtaraŭ: Ščaŭkunok, miedźviedziania Umka, šakaładnaja «Alonka», mudraja sava i inšyja — usie dziesiać vobrazaŭ paznavalnyja i dušeŭnyja.
Skulptary vykarystoŭvajuć piły, rydloŭki, siakiery, a dla finalnaj apracoŭki — navat niestandartnyja instrumienty, naprykład, kuchonnuju hubku z naždačnym pakryćciom.
Asabliva ŭražvajuć šmatuzroŭnievy biarłoh ź miadźviedziem i vaviorkaj, jaki stvaraje Jana Kanavałava, i śniehavyja fihury Juryja Biryn-Paŭłava i Łajmy Mirončyk, daviedzienyja da «efiektu cukru-rafinadu».
Ivan Arcimovič, staršynia siekcyi skulptury Biełaruskaha sajuza mastakoŭ, stvaraje simvał Homiela — ryś, jakaja pryciahvaje ŭvahu hledačoŭ i žurnalistaŭ. Vopytnyja majstry adznačajuć, što praca sa śnieham patrabuje akuratnaści, bo materyjał dalikatny i nieadnarodny.
Usie dziesiać skulptur buduć hatovyja da piatnicy i, pa słovach udzielnikaŭ, lubavacca imi možna budzie minimum miesiac.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary