Maksim z Hrodna ŭ svaje 16 hadoŭ staŭ topavym hrumieram Biełarusi — voś jaho historyja
Maksimu Pradkinu ŭsiaho 16 hadoŭ, a jon užo top-hrumier Biełarusi. Chłopiec prafiesijna zajmajecca žyviołami z 12 hadoŭ.
Pieršych klijentaŭ siarod znajomych i susiedziaŭ Maksim pačaŭ šukać jašče piać hadoŭ tamu. Da hetaha vučyŭsia prafiesii hrumiera pa videa na jutubie i prachodziŭ śpiecyjalizavanyja majstar-kłasy, treninhi ŭ prafiesijanałaŭ śfiery.
Spačatku Maksim čaściej stryh sabak, ale paśla navučyŭsia aśviažać kipciki i šerść i ŭ katoŭ. Tak, hetaha 11‑kiłahramovaha mejn-kuna pa mianušcy Šalik chłopiec tolki vyčesvaŭ kala dźviuch hadzin. I toje — u čatyry ruki, razam z kaleham.
Poŭny kompleks pasłuh ad Maksima siońnia kaštuje ad 80 da 100 rubloŭ, u zaležnaści ad parody i pamieraŭ žyvioły. Za niamieckuju aŭčarku ci małamuta pryjdziecca addać jašče bolš — amal 200 rubloŭ. Ale zaŭsiody možna abrać dla hadavanca niešta adno — naprykład, tolki manikiur ci stryžku.
Klijenty z Hrodna, jakija ŭžo dajšli da maładoha hrumiera, rajać navat nie zadumvacca pra canu: «Maksim — najlepšy, vielmi lubić svaju spravu i žyvioł».
Varta razumieć, što ŭ pasłuhi hrumiera ŭvachodzić na prosta stryžka, a ceły kompleks pracedur: vydaleńnie kaŭtunoŭ, myćcio z hipaalerhiennymi šampuniami, kandycyjanierami i maskami, dohlad za vušami i abrazańnie kipciuroŭ, haleńnie padušačak łapak.
Darečy, Pradkin — heta admysłovy psieŭdanim chłopca dla pracy. U žyćci jon nosić proźvišča Paŭlučyk.
Biełarusy ŭ zachapleńni ad taho, što chłopiec u 16 hadoŭ znajšoŭ svaju spravu i ŭžo maje staž. Niekatoryja dziaŭčaty ŭ kamientarach pad pastami pra pracu hrumiera navat prapanoŭvajuć jamu na ich adrazu ažanicca.
-
Novy trend u płaniroŭcy pamiaškańniaŭ: sanvuzły ŭnutry pakojaŭ za rassoŭnymi ścienami ci navat bieź ich
-
U parku žyvioł la Baranavičaŭ možna paabdymacca z kapibaraj za 100 rubloŭ
-
Prahnoz nadvorja ad Hidramietcentra Rasii samy niajakasny siarod kankurentaŭ. A jakija madeli pradkazvajuć nadvorje najlepš?
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary
zasmučaje tolki adno. što jon z takoha pryhožaha biełaruskaha proźvišča ŭziaŭ sabie rasiejski psieŭdanim