Ministr finansaŭ Juryj Sielivierstaŭ pryznačany pasłom u Rasii
Jon źmienić na hetaj pasadzie Alaksandra Rahožnika, jakoha dniami pastavili kiravać Viciebskaj vobłaściu.
Ministr finansaŭ Juryj Sielivierstaŭ pryznačany pasłom u Rasii.
Juryj Sielivierstaŭ naradziŭsia ŭ 1978 hodzie ŭ Minsku, skončyŭ BDEU (2002), Akademiju kiravańnia (2009).
Z 2002 hoda pracavaŭ na roznych pasadach u Ministerstvie finansaŭ, u 2012—2015 hadach — načalnikam Hałoŭnaha ŭpraŭleńnia biudžetnaj palityki Minfina, u 2015—2018 hadach — namieśnikam ministra finansaŭ, ź vieraśnia 2018 hoda pieršym namieśnikam ministra finansaŭ. 4 červienia 2020 hoda byŭ pryznačany ministram finansaŭ va ŭradzie Ramana Hałoŭčanki. Jon źmianiŭ na hetaj pasadzie Maksima Jermałoviča.
Alaksandr Łukašenka raskazaŭ, što kiraŭnik Administracyi Dźmitryj Kruty acharaktaryzavaŭ Sielivierstava jak čałavieka žorstkaha, naporystaha, u dobrym sensie słova niepasiedu, hatovaha «matacca pa krainie, susiednich i inšych krainach».
«Ja padumaŭ: a čamu b takomu čałavieku nie papracavać u Rasii, dzie nieabchodna byvać u rehijonach, pracavać, supracoŭničać z rasijskimi rehijonami, trymać pad kantrolem asnoŭnyja napramki našaj dziejnaści ŭ Rasijskaj Fiederacyi. I pierš za ŭsio ŭ handli, — adznačyŭ Łukašenka. — Vy całkam uciahnutyja ŭ hetyja prablemy. Viedajecie asnoŭnyja pytańni, jakija ŭ nas jość u biełaruska-rasijskich adnosinach. Ja pryjšoŭ da vysnovy, što z usich kandydatur, jakija prapanoŭvalisia, napeŭna, vy padychodzicie dla pracy ŭ Rasii».
«My časta havorym, što pasolstva ŭ Rasii — heta nie prosta pasolstva. Heta druhi ŭrad. Bo heta naš asnoŭny rynak, dzie my pradajom svaju pradukcyju. I heta asnoŭnaja kraina, jakaja invieściruje ŭ nas, zaŭsiody nam dapamahaje. Heta naša Rasija. Tamu aby-kaho tudy nie pašleš. I ŭzrovień pavinien być adpaviedny, i viedy, i žadańnie pracavać. Tamu my spynilisia na vašaj kandydatury», — dadaŭ Łukašenka.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy14
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary