Historyja adbyłasia ŭ Asipovickim rajonie. Niejak subotnim adviačorkam kampanija z troch čałaviek — dva mužčyny i žančyna — bavili čas na kuchni paciarpiełaha vypivajučy.
U niejki momant hość uziaŭ sa stała niezvyčajny kuchonny nož haspadara — z doŭhim, vyhnutym va ŭschodnim styli klinkom, z hraviroŭkaj, — i pačaŭ uciakać ź im.
Dahnać złamyśnika nie ŭdałosia, i žychar Asipovičaŭ nie moh pieražyć stratu, bo vykradzieny nož byŭ darahim (koštam bolš za 300 rubloŭ).
Była raspačata kryminalnaja sprava pa artykule «Rabavańnie». Padčas ahladu miesca zdareńnia — doma paciarpiełaha — ekśpiert-kryminalist vyjaviŭ ślady ruk, u tym liku na butelcy z-pad śpirtnoha.
Ślady ruk naležali raniej sudzimamu 47‑hadovamu žycharu Asipovickaha rajona —tamu samym hościem paciarpiełaha. Heta ž paćvierdzili i vyniki sudovaj daktyłaskapičnaj ekśpiertyzy.
U jahonym domie znajšli nož, schavany pad kanapaj, i nakiravali jaho na sudovuju ekśpiertyzu. Zhodna z vysnovami ekśpierta, nož vyrableny zavodskim sposabam, źjaŭlajecca vyrabam, kanstruktyŭna padobnym da chałodnaj zbroi, ale da katehoryi chałodnaj zbroi nie adnosicca.
Kamientary
Tak, nie bolš. Halimaja štampoŭka na klinku,nie łaminat, značyć chutčej za ŭsio i termička kiepskaja, ručka ź niejkaha tannaha tekstalitu abo tannaj mikarty i hd. Łajno karaciej.
Čtob tak nakručivať cienu - eto,ia vam skažu,nie každyj napitok spravitsia.