Kit Kiełah: Kali Ukraina pieražyvie hetu zimu — pieravaha budzie na jaje baku
Były śpiecpasłańnik prezidenta ZŠA pa Ukrainie Kit Kiełah ličyć, što kali Ukraina «pieražyvie» hetuju zimu, to pieravaha ŭ vajnie budzie na jaje baku, a nie na baku Rasii. Pra heta jon zajaviŭ padčas panelnaj dyskusii va Ukrainskim domie ŭ Davosie, piša «Jeŭrapiejskaja praŭda».
Padčas dyskusii Kiełah vykazaŭ upeŭnienaść, što Rasija nie vyjhraje vajny va Ukrainie.
Jon miarkuje, što prezident Rasii Uładzimir Pucin na fonie taho, što Rasija «paniesła vialikija straty», šukaje šlach, jak «hodna vyjści z hetaj situacyi, bo razumieje: hetaj vajny jon nie vyjhraje».
«Ja razumieju, što heta ciažkaja zima. Ja razumieju, što adbyvajecca ŭ Kijevie, viedaju pra tempieratury. Ale ja ščyra vieru: kali Ukraina pieražyvie hetuju zimu — studzień, luty — i my ŭvojdziem u sakavik i krasavik, pieravaha budzie na vašym baku, na baku Ukrainy, a nie Rasii», — padkreśliŭ Kiełah.
Na dumku byłoha śpiecpasłańnika Trampa, prablema ŭ tym, što Pucin «psichałahična ŭžo dajšoŭ da taho punktu, kali prosta nie moža adpuścić situacyju».
«Bo kali jon adpuścić, to jon pryznaje, što heta była paraza, što ŭsio, što jon zrabiŭ, — pravał», — padsumavaŭ Kiełah.
Džon Koŭł: U kančatkovym vyniku meta vieści biznes ź Biełaruśsiu, viarnuć jaje ŭ mižnarodnuju supolnaść
Kit Kiełah pra Zialenskaha: Jon žorstki sukin syn
Kiełah nazvaŭ dva pytańni, jakija patrebna vyrašyć, kab zrušylisia pieramovy pa Ukrainie
Kiełah: Ja dumaju, my zmožam padšturchnuć da pahadnieńnia ŭkraincaŭ, a potym rasijan
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy11
Kamientary
Adzinyja pieramohi Maskvy prychodziać ad uvarvanaja ŭ mienšyja krainy: - a) Vienhryja 1956h b) Čechaslavakija 1968h v) Maldova 1992h h) Hruzija 2008h