Kiełah: Ja dumaju, my zmožam padšturchnuć da pahadnieńnia ŭkraincaŭ, a potym rasijan
Śpiecyjalny pasłańnik prezidenta ZŠA Donalda Trampa pa pytańniach Ukrainy Kit Kiełah adznačaje, što ramačnaje pahadnieńnie nie źjaŭlajecca kančatkovym, ale jano realnaje dla padpisańnia Ukrainaj i Rasijaj, piša «Ukrainskaja praŭda».
«Ramačnaje pahadnieńnie isnuje dla taho, kab pryjści da vysnovy… Ja dumaju, što my možam padšturchnuć da hetaha ŭkraincaŭ, a paźniej i rasijan. Heta dobry płan. Jość u im momanty, jakija treba dakładna kadyfikavać i krychu bolš padrabiazna rastłumačyć, ale my ŭžo amal dasiahnuli mety», — skazaŭ Kiełah.
Kiełah dadaŭ, što Zialenski moža pryjechać u ZŠA, kab padpisać hetaje pahadnieńnie, «ale harantyj niama».
Jon skazaŭ, što vybary ŭ płanie, kab «supakoić ukraincaŭ i svabodny śviet».
«U płanie jość jašče adzin momant, jaki, na maju dumku, taksama źjaŭlajecca važnym, a mienavita praviadzieńnie vybaraŭ. U płanie dakładna paznačana, što Ukraina pavinna pravieści vybary na praciahu 100 dzion.
Miarkujučy pa tym, što mnie raskazali ludzi, ź jakimi ja kantaktavaŭ, heta možna zrabić prykładna za 90 dzion, heta budzie cikavy praces. Ja liču, što vybary nieabchodnyja, kab supakoić narod i supakoić svabodny śviet, heta adna z umoŭ płana».
U noč na 21 listapada amierykanskija ŚMI apublikavali 28 punktaŭ novaha «mirnaha płana» ZŠA, jaki pieradali na aznajamleńnie Ukrainie. Pa danych ŚMI, Zialenski i Tramp mohuć abmierkavać «mirny płan» na nastupnym tydni.
Taksama ŚMI paviedamili, što ŭ Jeŭropie rychtujuć svoj prajekt «mirnaha płana», bolš spraviadlivy dla Ukrainy.
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary