Jeŭrapiejcy chočuć źmianić u płanie Trampa jak minimum čatyry punkty
Pavodle infarmacyi niamieckaha vydańnia Bild, pradstaŭniki klučavych jeŭrapiejskich dziaržaŭ 23 listapada sustrenucca ŭ Ženievie z amierykanskimi pradstaŭnikami, kab abmierkavać «mirny płan» kamandy Donalda Trampa pa Ukrainie. Jeŭrapiejcy zajaŭlajuć, što jak minimum čatyry punkty płanu ich nie zadavalniajuć i patrabujuć pierapracoŭki.
Niazhodu jeŭrapiejcaŭ vyklikajuć pieradusim nastupnyja pytańni:
1. Pytańnie terytoryj. Płan ZŠA praduhledžvaje, što Ukraina pavinna całkam addać Rasii stratehična važnyja rehijony — Danbas i Krym. Jeŭrapiejskija krainy kateharyčna suprać takoha padychodu.
2. Skaračeńnie ŭkrainskaj armii. U amierykanskaj viersii prapanujecca abmiežavać kolkaść ukrainskaj armii, choć jana i biez taho značna mienšaja za rasijskuju. Jeŭrapiejskija partniory ličać heta niebiaśpiečnym.
3. Sumnieŭnyja «harantyi biaśpieki» ad Rasii. Kancler Hiermanii Frydrych Mierc choča padkreślić amierykancam, što harantyi biaśpieki, jakija pavinna była b dać Rasija, pa fakcie ničoha nie vartyja.
4. Płany adnosna zamarožanych rasijskich aktyvaŭ. Asobnaje abureńnie Mierca vyklikaje ideja Trampa vykarystać 300 miljardaŭ jeŭra rasijskich zamarožanych srodkaŭ nie dla padtrymki Ukrainy, a dla stvareńnia sumiesnaha amierykanska-rasijskaha inviestycyjnaha miechanizmu. Pavodle płanu Trampa, 100 miljardaŭ jeŭra pavinny pajści na amierykanskija inviestycyi ŭ Rasiju z 50% prybytkovaj dolaj dla ZŠA.
Miž tym Mierc vystupaje za toje, kab Jeŭrasajuz vykarystaŭ 140 miljardaŭ jeŭra z hetych srodkaŭ na doŭhaterminovy kredyt dla Ukrainy.
Manfred Vieber, kiraŭnik frakcyi Jeŭrapiejskaj narodnaj partyi ŭ Jeŭraparłamiencie, taksama zajaviŭ, što płan Trampa treba istotna pierapracavać. Jon vyłučyŭ try klučavyja pryncypy:
- Ukraina pavinna sama vyrašać, ci moža jana sastupać terytoryi — biez prymusu zvonku.
- Ukrainu treba ŭmacoŭvać, a nie asłablać vajskovymi abmiežavańniami.
- ES pavinien stać «jeŭrapiejskim NATA», bo bolš nielha absalutna spadziavacca na ZŠA.
Raniej jeŭrapiejskija lidary i krainy G7 (akramia ZŠA) užo zajavili, što nie zhodnyja z častkaj amierykanskaha płana, ale hatovyja ŭziać jaho za asnovu i sumiesna dapracavać.
Jeŭrapiejskaja pazicyja ŭ tym, što mir pavinien być tryvałym i nie moža dasiahacca za košt terytaryjalnych strat i staŭleńnia biaśpieki Ukrainy pad pahrozu.
Tramp nie ličyć svoj płan pa Ukrainie kančatkovym i hatovy jaho mianiać
Orban pahražaje zabłakavać jeŭrapiejskuju dapamohu Ukrainie, kali nie budzie biezumoŭna pryniaty płan Trampa
Jeŭrapiejcy adchilili płan Trampa pa Ukrainie ŭ jaho ciapierašnim vyhladzie
Džej Dzi Vens: Amierykanski mirny płan nakiravany na toje, kab spynić zabojstvy, zachoŭvajučy pry hetym suvierenitet Ukrainy
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ55
Kamientary