Samaja razumnaja karova ŭ śviecie žyvie ŭ Aŭstryi.
Jana ŭmieje vykarystoŭvać doŭhuju ščotku jak šmatfunkcyjanalny instrumient! Adzin kaniec češa joj śpinu, druhi — inšyja častki cieła.
Jak piša iflscience.com, karova vykarystoŭvaje roznyja prystasavańni, kab pačasać ciažkadastupnyja miescy na śpinie i bakach. U jaje arsienale — miatła, hrabli, prostyja doŭhija pałki.
Uładalnik karovy, fiermier i piekar Vithar Vihiele, kaža, što jana adrazu ž vykarystoŭvaje instrumient, kali bačyć jaho.
Pavodle jaho słoŭ, jana pačała rabić heta va ŭzroście troch hadoŭ. A ciapier karovie ŭžo 13 hadoŭ, i jana dobra avałodała technikaj: zaciskajučy pałku ŭ skivicach, jana moža doŭhimi instrumientami pačasać amal kožnuju častku svajho cieła.
Pry hetym Vieronika adroźnivaje kaniec miatły z ščacińniem i bieź jaho i vykarystoŭvaje ich u zaležnaści ad patreby. Takim čynam, jana moža dalikatna dakranacca da adčuvalnych učastkaŭ.
«Heta robić instrumient šmatfunkcyjanalnym, čaho raniej dasiahali tolki šympanze, jakija vykarystoŭvali travinki dla palavańnia na termitaŭ», — adznačyli daśledčyki ź Vienskaha ŭniviersiteta vieterynarnaj miedycyny, jakija niekatory čas nazirali za karovaj.
Heta pieršaje navukovaje daśledavańnie vykarystańnia pryład pracy karovami. Adnak isnujuć videa, jakija pakazvajuć inšych karoŭ i bykoŭ, što robiać padobnyja rečy.
U daśledavańni, apublikavanym u časopisie Current Biology paśla nazirańniaŭ za Vieronikaj, navukoŭcy adznačajuć, što zdolnaść raźvivać takija pavodziny zakładziena ŭ pryrodzie hetych žyvioł. Choć jany i padkreślivajuć, što niekalki vypadkaŭ vykarystańnia pryład pracy asobnymi asobinami nie robiać uvieś vid u cełym «karystalnikami pryład pracy».
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary