U Homieli pamierła Śviatłana Haldade, jakaja ŭ časy harbačoŭskaj pierabudovy ŭ SSSR była staršynioj Homielskaha harsavieta i vykankama. Na svajoj pasadzie jana spryjała raźvićciu ŭ horadzie dziejnaści demakratyčnych i nacyjanalnych siłaŭ.
«Los vyznačyŭ tak, što ja try hady pracavaŭ pad jaje načałam u jakaści namieśnika. Nas vybraŭ nialehki čas, kali sacyjalna-ekanamičnyja kataklizmy zdaraliś što ni dzień. To raptoŭna źnikaŭ tytuń, to cukar, to ŭsio razam. Aleju ŭ ahoń padlivała staraja namienkłatura, jakaja, pa mojmu, tak i nie ŭspryniała Śviatłanu Kanstancinaŭnu za roŭnuju sabie.
Ale padtrymkaj byŭ haradski saviet, adziny pradstaŭničy orhan ułady ŭ Biełarusi, dzie antykamunistyčnyja siły mieli bolšaść», — napisaŭ u fejsbuku adzin ź lidaraŭ tahačasnaha demakratyčnaha ruchu ŭ Homieli, deputat Źjezda narodnych deputataŭ SSSR Viktar Karniejenka.
Udzielničała zmahańni za demakratyčnuju Biełaruś Śviatłana Haldade i paśla svajoj adstaŭki z vysokaj pasady, kali da ŭłady ŭ krainie pryjšoŭ Alaksandr Łukašenka. Jana była aktyvistkaj Abjadnanaj hramadzianskaj partyi i dapamahała pravaabarončym arhanizacyjam, u tym liku padajučy skarhi na parušeńni pravoŭ hramadzian u mižnarodnyja struktury.
Kamientary