Pra hibiel Alaksieja paviedamiła jaho žonka Vieranika. Jamu było 27 hadoŭ.
«Zahinuŭ moj śviet, daražeńki muž Alaksiej Łazaraŭ. U pačatku 2025 hodu jon paviarnuŭsia na słužbu ŭ ZSU i hodna abaraniaŭ nieba. Jon jość i byŭ vydatnym synam biełaruskaj ziamli. Ja zachaplałasia i zachaplajusia jaho prahnieńniem da lepšaha śvietu, u jakim my tak chacieli stvaryć vialikuju siamju», — napisała jana.
Abodva, i Alaksiej, i Vieranika, ustupili ŭ šerahi pałka imia Kastusia Kalinoŭskaha. U sakaviku 2022 hoda padčas abarony Kijeva para ažaniłasia.
«Ty pakazaŭ mnie sapraŭdnaje kachańnie, sapraŭdnaje siabroŭstva. Ty lubiŭ mianie z takim kłopatam i ŭvahaj, što ja sama pačała siabie lubić. Ty byŭ usim, i voś usiaho ciapier niama. Čakaju našaj sustrečy ŭ lepšym śviecie, majo kachańnie. Pabačymsia ŭ śnie», — napisała Vieranika.
Alaksieju było 27 hadoŭ. Jon skončyŭ BDU. U listapadzie 2019 hoda byŭ pryzvany na słužbu va ŭzbrojenyja siły, byŭ kamandziram adździaleńnia pieranosnych zienitna-rakietnych kompleksaŭ, atrymaŭ zvańnie małodšaha siaržanta. Da i paśla vojska byŭ adnym z arhanizataraŭ kampanii «Vučoba važniejšaja» suprać zakona, jaki skaračaŭ adterminoŭki ad armii dla studentaŭ.
U 2019 hodzie sprabavaŭ stać deputatam, bałatavaŭsia ŭ parłamient.
Aktyŭna ŭdzielničaŭ u vuličnych akcyjach suprać vynikaŭ vybaraŭ 2020 hoda, dapamahaŭ naziralnikam na vybarčych učastkach u Minsku. Praz pahrozu turmy źjechaŭ ź Biełarusi. Žyŭ u Hruzii, potym pierabraŭsia va Ukrainu, u Lvoŭ.
Kali pačałosia poŭnamaštabnaje ŭvarvańnie Rasii va Ukrainu, zapisaŭsia dobraachvotnikam.
Alaksiej sychodziŭ z ukrainskaha vojska, ale, jak vynikaje, viarnuŭsia.
Pachavańnie adbudziecca ŭ Lvovie.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
Małady Vialikaja Strata u tym liku nie naradziŭšysia biełarusy
Vyklikakuju na siabie
Paśla 2023 .24 .nima što tam rabić
Kachajcieś stvarajcie Siemji naradžajcie dzietak ..