Orban — pakul adziny ź lidaraŭ u ES, chto pahadziŭsia na členstva ŭ Radzie miru Trampa
Zaprašeńnie dałučycca da Rady było adrasavana prykładna 60 krainam. Premjer-ministr Vienhryi Viktar Orban pakul zastajecca adzinym siarod lidaraŭ krain ES, chto adkryta pahadziŭsia stać členam u Radzie miru, inicyjavanaj prezidentam ZŠA Donaldam Trampam, piša «Jeŭrapiejskaja praŭda».
Aficyjna pra žadańnie dałučycca da inicyjatyvy Trampa zajavili Izrail, Saudaŭskaja Aravija, Abjadnanyja Arabskija Emiraty, Bachrejn, Iardanija, Katar, Jehipiet, Maroka, Pakistan, Indaniezija, Kosava, Uźbiekistan, Kazachstan, Parahvaj, Vjetnam, Azierbajdžan, Armienija.
20 studzienia Alaksandr Łukašenka pieršym padpisaŭ dakumient ab dałučeńni krainy da Rady miru na zaprašeńnie Trampa.
Siarod členaŭ NATA pra svajo rašeńnie dałučycca abviaścili tolki Turcyja i Vienhryja. Apošniaja źjaŭlajecca adzinaj siarod krain ES, jakaja pahadziłasia być pradstaŭlenaj u Radzie miru.
Takija krainy, jak Narviehija, Danija, Francyja abviaścili pra svaju admovu być členami Rady miru amierykanskaha prezidenta. Astatnija dziaržavy ES abo publična nie kamientavali zaprašeńnie, abo zajaŭlali, što im patrabujecca bolš času na razhlad prapanovy.
Siarod zaprošanych jość Ukraina i Rasija. Jany pakul nie dali adkazu.
-
Śvińnia źjaviłasia i źnikła ŭ telehram-kanale Dźmitryja Miadźviedzieva
-
«Kamunizm — heta sistema-niaŭdačnica, i tak budzie zaŭsiody». Tramp vystupiŭ z pramovaj na śviatkavańni 250‑hodździa niezaležnaści ZŠA
-
Tramp 1 hadzinu i 25 chvilin havaryŭ z Pucinym. Ušakoŭ padkreśliŭ, što Maskva znoŭ hatovaja da pieramovaŭ
Kamientary
A po maksimumu - v storonu Rośsii.