Na kałhotkach ad Mark Formelle paśla myćcia imbirnyja pierniki pieratvarylisia ŭ puchnatych vusieniaŭ. Mnohim navat spadabałasia
Biełaruskija karystalnicy ŭ sacsietkach abmiarkoŭvajuć niezvyčajnuju asablivaść dziciačych kałhotak ad brenda Mark Formelle: paśla myćcia prynty na ich mocna «raspušvajucca» i pačynajuć vyhladać zusim inakš, niby žyvuć ułasnym žyćciom, piša Blizko.by.
Adna z žančyn napisała ŭ Threads, što kałhotki jaje dziciaci raptam źmianili vyhlad: malunki imbirnych piernikaŭ na ich pieratvarylisia ŭ niešta padobnaje da puchnatych vusieniaŭ. Da dopisu jana prykłała fota, dzie dobra vidać, što paśla myćcia tkanina stała machrystaj, a sami malunki sapraŭdy nahadvajuć vusieniaŭ.
Hetaja mietamarfoza mnohim pryjšłasia daspadoby. U kamientaryjach ludzi žartavali, što nikoli nie dumali, što kałhotki mohuć tak raśśmiašyć, paraŭnoŭvali malunki z našeściem šmatnožak, «vałasami dybaram» i navat z padrychtoŭkaj da Vierbnaj niadzieli. Chtości pažartavaŭ, što viasnoj «vusieni» pieratvoracca ŭ matylkoŭ, a da leta zastanucca prosta biełyja kałhotki.
Na dopis adreahavaŭ i sam vytvorca. Pradstaŭnik Mark Formelle padziakavaŭ za vodhuk, paviedamiŭ, što infarmacyja pieradadziena na vytvorčaść dla pravierki, i prapanavaŭ prynieści kałhotki ŭ kramu, kab lepš razabracca ŭ situacyi.
Adnak mnohija karystalniki adkazali, što ničoha mianiać nie treba: na ich dumku, heta nie niedachop, a admietnaja «fiška». Jany pisali, što kałhotki atrymalisia vielmi miłyja, «dva ŭ adnym», i prapanoŭvali navat raźvić ideju — naprykład, rabić takija ž efiekty ź miškami, kacianiatami ci kuraniatami, bo dzieciam heta vielmi padabajecca.
Razam z tym znajšlisia i niezadavolenyja pakupniki. Jany adznačyli, što dla ich taki efiekt vyhladaje jak prablema ź jakaściu i što heta nie pieršy vypadak, kali pradukcyja Mark Formelle u siehmiencie pančošna-škarpetkavych vyrabaŭ ich rasčaroŭvaje.
Ci možna nasić adny i tyja ž škarpetki niekalki dzion? Mikrabijołahi dajuć adnaznačny adkaz
Mark Formelle pačaŭ vypuskać adzieńnie dla niemaŭlat
«Na plačach maječka Mark Formelle». Hurt Leibonik vypuściŭ novy albom
Brend Mark Formelle trapiŭ u skandał, nachamiŭšy klijentcy na roŭnym miescy
Mark Formelle vypuściŭ kalekcyju «Miły Minsk»
Kamientary