Brend Mark Formelle trapiŭ u skandał, nachamiŭšy klijentcy na roŭnym miescy
Viadomy biełaruski brend adzieńnia Mark Formelle trapiŭ u skandał paśla taho, jak supracoŭnik kampanii adkazaŭ klijentcy ŭ sacsietcy vielmi niavietliva i navat abraźliva. Prytym što źmiest jaje zaŭvahi mienavita takoj reakcyi nijak nie pravakavaŭ.
Adna z karystalnic Threads spytała ŭ brenda, čamu jany «šyjuć na rost 170-176 (žanočy)». I dadała: «Mnie zdajecca, treba taksama šyć bolš na rost 158-164».
Na heta ad imia aficyjnaha akaŭnta Mark Formelle źjaviŭsia adkaz: «Kažuć: «Kali zdajecca — chryścicca treba». Ale, na naš pohlad, varyjant pahladzieć niešta ŭ dziciačym adździele abo skarystacca pasłuhami atelje — kudy bolš pracoŭny».
Taki adkaz vyklikaŭ nierazumieńnie i mocnaje niezadavalnieńnie, mnohija paličyli jaho nieprystojnym i nieetyčnym.
Praź niekalki dzion paśla incydentu, 31 lipienia, Mark Formelle apublikavaŭ aficyjnyja prabačeńni i vykazaŭ škadavańnie adnosna hetaj situacyi. Kampanija adznačyła, što taki kamientaryj nie adlustroŭvaje palityku brenda, dla jakoha asnoŭnaja kaštoŭnaść — klijenty. Pytańnie pra zvalnieńnie supracoŭnika, jaki daŭ taki adkaz, jašče vyrašajecca ŭ vyniku ŭnutranaha rasśledavańnia.
Mark Formelle vypuściŭ kalekcyju «Miły Minsk»
Prapahandystaŭ aburyła słova «biełarusy» na majkach Mark Formelle
Mark Formelle prapanavaŭ dyzajn novych cišotak «Biełarusy havorać»
«Mark Farmiel» pastaviŭ u vitrynu zamiest maniekiena mužčynu z hołym torsam
Mark Formelle vypuściŭ kalandar u styli aŭstralijskich pažarnych
Mark Formelle vypuściła kalekcyju na bałotnuju tematyku
Kamientary