Prapahandystaŭ aburyła słova «biełarusy» na majkach Mark Formelle
Za «movu zmaharoŭ» pryhrazili Kryminalnym kodeksam.
Biełaruski brend Mark Formelle trapiŭ u centr skandału paśla taho, jak pakazaŭ dyzajn futbołak z papularnym ciapier u sacsietkach chešteham #biełarusyhovoriat. Kampanija źviarnułasia da svaich padpisčykaŭ u sacsietkach z pytańniem «Vypuskajem?», atrymaŭšy vialikuju padtrymku i zvyš 40 tysiač łajkaŭ.
Ale adarvanym ad biełaruskaha hramadstva prarasijskim aktyvistam i dziaržaŭnaj prapahandzie mulała voka toje, jak napisany chešteh — vybuch emocyj vyklikała toje, što pa-rusku słova «biełarusy» napisanaje praz «a».
Pieršy ŭ ataku kinuŭsia prapahandyst Ryhor Azaronak. Jon nie tolki abvinavaciŭ kampaniju ŭ «niepiśmiennaści» i prapanavaŭ padaryć joj słoŭnik, ale i pabačyŭ u nadpisie «schavanuju fihu ŭ kišeni» — namiok na niełajalnaść da režymu.
«Ci to ja durań, ci to łyžy nie jeduć. Vidavočna, što Mark Formelle nabiraŭ dyzajnieraŭ pavodle pryncypu niepiśmiennaści», — napisaŭ Azaronak.
Bolš strymana adreahavaŭ inšy dziaržaŭny ideołah, Vadzim Hihin, jaki prosta paprasiŭ zapomnić, što ŭ ruskaj movie pravilna tolki «biełOrus» i «biełOrusskij». Ale Azaronak praciahnuŭ svaju liniju, zajaviŭšy, što «tak pišuć zmahary i ekstremisty» i što ŭ hetym «niama ničoha vypadkovaha».
Padklučyłasia i prapahandystka Ludmiła Hładkaja, jakaja prapanavała ŭ jakaści «padarunka» nie słoŭnik, a Kryminalny kodeks.
Sam Mark Formelle pakul nie adreahavaŭ na škvał nieadekvatnych abvinavačańniaŭ.
-
U škołach i dziciačych sadach dazvolać vykarystoŭvać elektraabahravalniki
-
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii
-
Sajuz palakaŭ u Biełarusi adnaŭlaje mahiłu polskaha hienierała pad Hrodnam FOTAFAKT
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo9
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary
aj putajut tolko ludiej i problemu propahandisty razduvajut na pustom miestie, nado ž pokazať čto nie zria im płatiat