Kolkaść zachvorvańniaŭ na hryp i VRVI ŭ najbližejšyja dni moža vyraści
Značny rost zachvorvańniaŭ vostrymi reśpiratornymi virusnymi infiekcyjami i hrypam mahčyma da kanca studzienia — pačatku lutaha 2026 hoda. Pra heta papiaredzili ŭ Ministerstvie achovy zdaroŭja.

Jak adznačajecca na sajcie viedamstva, ciapier u Biełarusi fiksujecca pavieličeńnie kolkaści vypadkaŭ VRVI i hrypu.
«Situacyja zrazumiełaja i źviazanaja ź viartańniem dziaciej i darosłych u kalektyvy paśla zaviaršeńnia navahodnich i kaladnych śviat», — padkreślili ŭ Ministerstvie achovy zdaroŭja.
Zrešty, ciapierašnija pakazčyki zachvorvańnia ŭ krainie nie adchilajucca ad siarednich šmathadovych značeńniaŭ.
Adnak nazirańni, jakija viaducca hadami, paćviardžajuć, što hrypam chvarejuć pieravažna tyja ludzi, jakija nie byli vakcynavany ŭ hetym siezonie.
U Biełarusi, pa danych łabaratornaha manitorynhu, adznačajecca aktyvizacyja virusaŭ hrypu A(H3N2). Jość adzinočnyja vypadki vyjaŭleńnia virusa hrypu B.
Tym časam praciahvajuć cyrkulavać uzbudžalniki niehipavych VRVI. Heta virusy parahrypu, adenavirusy, rynavirusy, bokaparvirusy, mietapnieŭmavirusy, siezonnyja karanavirusy, virus SARS-CoV-2, adznačyli ŭ Ministerstvie achovy zdaroŭja.
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju
Kamientary