U Rasii na śviatkavańni dnia naradžeńnia ŭ łaźni zahinuli piać padletkaŭ
Piać padletkaŭ zahinuli pry pažary ŭ saŭnie ŭ rasijskim Kuzbasie. Uzharańnie adbyłosia ŭ adnoj z łaźniaŭ saŭny na vulicy Kubanskaja ŭ Prakopjeŭsku Kiemieraŭskaj vobłaści, paviedamlajuć rasijskija ŚMI.
U momant, kali ŭźnik pažar, u łaźni adpačyvała hrupa padletkaŭ. Pa papiarednich źviestkach, vyratavacca zmahła tolki adna dziaŭčyna — 16‑hadovaja Safija.
Jak paviedamlajecca, usie piaciora zahinułych u saŭnie ŭ Kuzbasie — padletki 16—17 hadoŭ. Bolšaść zahinułych — pieršakurśniki fizkulturnaha technikuma. Jany nibyta adznačali dni naradžeńnia traich siabroŭ — dźviuch Lizaviet i adnaho Siarhieja. Na hetym tydni adnamu za adnym im spoŭniłasia 16 i 17 hadoŭ.
Na viečarynki ŭ łaźnievy kompleks z saboj možna było pranosić ałkahol i pradukty, niahledziačy na toje, što ŭstanova pazicyjanuje siabie jak siamiejnaja.
U peŭny momant u adnoj z parylniaŭ uspychnuŭ ahoń, jon pierakinuŭsia na ŭvieś kompleks. Nie ŭsie naviedvalniki paśpieli evakujavacca, ratavalniki šukajuć jašče dvaich čałaviek. Płošča pažaru skłała 70 kvadrataŭ.
Śledčy kamitet Rasii zavioŭ kryminalnuju spravu pa artykule «Akazańnie pasłuh, jakija nie adpaviadajuć patrabavańniam biaśpieki žyćcia abo zdaroŭja spažyŭcoŭ».
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia11
Kamientary