Tramp zajaviŭ, što ź Iranam jaho zadavolić tolki «idealnaja ździełka». A prosta dobruju jon moh by zaklučyć prosta zaraz
Prezident ZŠA Donald Tramp padčas pasiadžeńnia amierykanskaha kabinieta ministraŭ zajaviŭ, što Vašynhton moh by zaklučyć davoli vyhadnuju ździełku ź Iranam prosta ciapier, ale jon asabista zhodny tolki na toje, kab ździełka była idealnaj.
«Prosta zaraz my možam zaklučyć dobruju, ale nie cudoŭnuju ździełku. A pakolki heta nie cudoŭnaja ŭhoda, to nam jana nie patrebna», — zajaviŭ Donald Tramp žurnalistam.
Jon vykazaŭ upeŭnienaść, što ZŠA ŭdasca damovicca pra idealnuju ździełku biez ščylin dla Irana, adznačyŭšy, što pieramovy iduć «davoli dobra».
«Ździełka pavinna być idealnaj», — padsumavaŭ jon.
Tramp adkazaŭ admoŭna na pytańnie, ci zadavoliła b jaho pieradača Tehieranam zapasaŭ vysokaŭzbahačanaha ŭranu Kitaju abo Rasii.
Taksama jon zajaviŭ, što ZŠA nie dapuściać, kab taja ci inšaja kraina kantralavała Armuzski praliŭ.
«Praliŭ budzie adkryty dla ŭsich. Heta mižnarodnyja vody, ich nichto nie budzie kantralavać», — skazaŭ jon, adkazvajučy na pytańnie, ci padtrymaje jon ustalavańnie časovaha kantrolu nad Armuzskim pralivam z boku Irana i Amana.
Razam z tym prezident ZŠA znoŭ adznačyŭ, što chacieŭ by, kab Saudaŭskaja Aravija, Katar i inšyja arabskija krainy dałučylisia da «pahadnieńniaŭ Aŭraama».
«Ja nie ŭpeŭnieny, što my pavinny naohuł zaklučać ździełku ź Iranam, kali jany hetaha nie zrobiać», — padkreśliŭ Tramp.
Pry hetym jon spytaŭ svajho śpiecpasłańnika Styva Uitkafa, jaki prysutničaŭ na pasiadžeńni, ci pahodziacca hetyja krainy dałučycca da «pahadnieńniaŭ Aŭraama». Uitkaf adkazaŭ, što «my aktyŭna na hetym nastojvajem».
«Pahadnieńni Aŭraama» byli zaklučanyja pry ŭdziele ZŠA ŭ pieryjad pieršaha terminu Trampa ŭ 2020 hodzie pamiž Izrailem i tryma arabskimi krainami — Bachrejnam, AAE i Maroka. Damoŭlenaści praduhledžvajuć ustalavańnie dypłamatyčnych adnosin ź Izrailem i adkryćcio ŭ im pasolstvaŭ, a taksama supracoŭnictva ŭ ekanomicy i inšych śfierach.
Udzielniki trampaŭskaj Rady miru nie śpiašajucca pieraličvać hrošy ŭ jaje skarbonku
Zialenski źviarnuŭsia da Trampa i Kanhresa z admysłovym listom: rakiety dla «Petryat» vyčarpalisia
Tramp projdzie treciaje miedycynskaje abśledavańnie za 13 miesiacaŭ
Iran nibyta hatovy vyvieźci svoj uzbahačany ŭran. Ale tolki ŭ Kitaj
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu12
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu6060
Kamientary