Udzielniki trampaŭskaj Rady miru nie śpiašajucca pieraličvać hrošy ŭ jaje skarbonku
Pavodle danych vydańnia Financial Times sa spasyłkaj na čatyry infarmavanyja krynicy, Rada miru, stvoranaja Donaldam Trampam u pačatku 2026 hoda, praz čatyry miesiacy paśla svajho zapusku zastajecca biez realnaha finansavańnia.
Jak śćviardžajuć krynicy vydańnia, na bankaŭski rachunak arhanizacyi nie pastupiła nivodnaha dalara z abiacanych donarskich uznosaŭ. Prytym raniej niekalki krain abiacali ŭ sumie kala 17 miljardaŭ dalaraŭ na prajekty, źviazanyja z adnaŭleńniem siektara Haza.
Z-za adsutnaści hrošaj praca arhanizacyi faktyčna zatarmaziłasia. Usie asnoŭnyja zadačy, jakija joj stavilisia — razzbrajeńnie CHAMAS, vyvad izrailskich vojskaŭ i adnaŭleńnie Hazy — anijak nie prasunulisia.
Taksama paviedamlajecca, što zamiest zapłanavanaha miechanizmu praz fond Suśvietnaha banka, jaki pavinien byŭ zabiaśpiečvać kantrol i prazrystaść, srodki pavinny byli pastupać na asobny rachunak u banku JPMorgan. U hetym vypadku niama takoha ŭzroŭniu finansavaha kantrolu i spravazdačnaści.
Pa infarmacyi FT i inšych krynic, častka krain sapraŭdy abiacała ŭdzieł u finansavańni, ale faktyčna ŭnioski zrabili tolki asobnyja ŭdzielniki, i sumy značna mienšyja za zajaŭlenyja. Naprykład, Maroka pieraličyła kala 20 miljonaŭ dalaraŭ, jakija pajšli na pracu ofisa i administracyjnyja vydatki.
U vyniku «Rada miru» apynułasia ŭ situacyi, kali jana farmalna isnuje i maje płany, ale biez dastatkovaha finansavańnia nie moža ich realizavać.
Pra prablemy ź finansavańniem «Rady miru» paviedamlałasia jašče raniej. Pavodle infarmacyi ahienctva Reuters, ź dzieviaci krain, jakija abiacali ŭnieści hrošy, faktyčnyja vypłaty zrabili tolki AAE, Maroka i ZŠA. Ahulnaja suma atrymanych srodkaŭ skłała mienš za 1 miljard dalaraŭ.
Na sustrečy ŭ Vašynhtonie ŭ lutym Donald Tramp zajaviŭ, što ŭdzielniki inicyjatyvy abiacali kala 7 miljardaŭ dalaraŭ na adnaŭleńnie siektara Haza. U hety śpis uvachodzili Kazachstan, Azierbajdžan, AAE, Maroka, Bachrejn, Katar, Saudaŭskaja Aravija, Uźbiekistan i Kuviejt.
Akramia hetaha, ZŠA pavinny byli dadać jašče 10 miljardaŭ dalaraŭ, a AAN — kala 2 miljardaŭ. Hetyja srodki płanavałasia nakiravać, u tym liku, na stvareńnie nacyjanalnaha kamiteta kiravańnia Hazaj, jaki pavinien byŭ atrymać častku funkcyj paśla razzbrajeńnia CHAMAS.
Takajeŭ prapanavaŭ Radzie miru zasnavać premiju imia Trampa
Tramp sabraŭ z udzielnikaŭ Rady miru 7 miljardaŭ dalaraŭ na patreby Hazy
Bolš za 20 krain voźmuć udzieł u pieršym pasiadžeńni Rady miru
«Vyrašycie pytańnie, kab ja zmoh spakojna prylacieć». Łukašenka raskazaŭ, čamu nie palacieŭ u Vašynhton
Łukašenka zajaviŭ, što budzie ŭdzielničać u Radzie miru, ale paźniej
Kamientary