Tramp sabraŭ z udzielnikaŭ Rady miru 7 miljardaŭ dalaraŭ na patreby Hazy
Prezident ZŠA Donald Tramp na pieršym pasiadžeńni svajoj Rady miru abviaściŭ, što ŭdzielniki arhanizacyi pieraličać bolš za 7 miljardaŭ dalaraŭ na adnaŭleńnie siektara Haza, a taksama anonsavaŭ «ŭsiebakovuju padtrymku i nahlad» za AAN, piša «Jeŭrapiejskaja praŭda».
Pa słovach Trampa, Kazachstan, Azierbajdžan, AAE, Maroka, Bachrejn, Katar, Saudaŭskaja Aravija, Uźbiekistan i Kuviejt razam uniesuć bolš za 7 miljardaŭ dołaraŭ dla pakieta dapamohi Hazie.
Indaniezija, Maroka, Ałbanija, Kosava i Kazachstan nakirujuć vajskoŭcaŭ i palicyju dla stabilizacyi situacyi. Akramia taho, Jehipiet i Iardanija buduć padtrymlivać paleścinskija siły pravaparadku.
ZŠA, u svaju čarhu, pieraličać u Radu miru 10 miljardaŭ dalaraŭ. Tramp zajaviŭ, što Rada miru častkova budzie «nahladać» za dziejnaściu AAN, choć dakładnyja miechanizmy hetaha pakul nie raskryŭ. Jon padkreśliŭ, što asnoŭnaja meta — zabiaśpiečyć finansavuju padtrymku i efiektyŭnaść AAN.
Bolšaść krain, zaprošanych Trampam u Radu, admovilisia ad udziełu. Damova ab stvareńni Rady pad kiraŭnictvam prezidenta ZŠA była padpisanaja 22 studzienia ŭ Davosie (Šviejcaryja). Pavodle zadumy, Rada pavinna spačatku zasiarodzicca na miry i adnaŭleńni Hazy, a paśla — adyhrać bolš šyrokuju rolu va ŭrehulavańni hłabalnych kanfliktaŭ.
U składzie Rady pieravažna krainy Blizkaha Ŭschodu i Paŭdniovaj Amieryki: lidary Saudaŭskaj Aravii, Katara, AAE, Arhienciny i Parahvaja. Z boku ES u cyrymonii padpisańnia ŭdzielničali premjer-ministry Vienhryi i Bałharyi. Taksama byli pradstaŭniki čatyroch jeŭrapiejskich krain pa-za ES — Armienija, Azierbajdžan, Turcyja i Kosava.
Miarkujecca, što Tramp zachavaje kiraŭničuju rolu ŭ Radzie navat paśla zakančeńnia svaich prezidenckich paŭnamoctvaŭ.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać30
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5858
Kamientary