U novych kvaterach žychary mohuć sami rehulavać padaču aciapleńnia i nie pakutujuć ad adklučeńnia haračaj vady, adklučeńnie jakoj pačałosia akurat u hetyja dni.
Budaŭnictva sučasnaha žylla zakładziena ŭ dziaržprahramu krainy na piacihodku. Tak, z 2026 pa 2030 hod pavinny pabudavać 2 młn m2 elektradomaŭ. Mienavita ŭ ich buduć žyć bieź siezonnaha adklučeńnia vady, piša Tochka.by.
Bo ŭ takich šmatpaviarchoŭkach elektraenierhiju vykarystoŭvajuć jak dla padrychtoŭki ježy, tak i dla aciapleńnia.
I niahledziačy na toje, što ŭ Minsku chapaje inžyniernych sietak i ciepłatras, u stalicy taksama budujuć padobnyja budynki. Tak, u horadzie ŭžo 96,5 tys m2 elektražylla.
«Šerah elektradomaŭ znachodzicca na stadyi budaŭnictva. Heta «Utulny», jaki całkam zabiaśpiečvajecca elektraenierhijaj, vialikaja placoŭka na vulicy Vyhockaha i mikrarajon u Smalavičach», — raspaviała staršynia kamiteta budaŭnictva i inviestycyj Minharvykankama Iryna Hontarava.
Jana zapeŭniła: surjoznaje vykarystańnie elektraenierhii ŭ takich damach nie adbivajecca na kamunalnym biudžecie. Za ŽKP tut płaciać amal standartnuju sumu.
Pry hetym u takich kvaterach možna samastojna rehulavać tempieraturny i vilhotnasny režym, a taksama nie mycca ŭ tazikach z-za adklučeńnia haračaj vady.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy18
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary