Hordy post salista «Drazdoŭ» pra svaju seksualnuju mahutnaść skončyŭsia fijaska
Voś što daviałosia vysłuchać śpievaku.
«Siońnia mnie spoŭniłasia 53 hady! «Drazdy» na hastrolach i ŭ vydatnaj formie! Seks 9—12 razoŭ na tydzień! Trymajem šerah!» — horda napisaŭ salist hurta «Drazdy» Vital Karpanaŭ u svaim Threads.
Varta adrazu zaŭvažyć, što nasamreč Vital naradziŭsia 12 studzienia 1982 hoda. Takim čynam, jamu 44 hady, a dzień narodzinaŭ daŭno prajšoŭ. Adnak karystalniki na hety vidavočna pravakacyjny ŭkid nie źviarnuli ŭvahi i adrazu kinulisia ŭ abmierkavańnie. U vyniku post za piać dzion nabraŭ zvyš 310 tysiač prahladaŭ. Ale łajkali ludzi nie zapis, a kplivyja kamientary.
«A jakaja chvaroba prymušaje ludziej pisać usiu hetuju łuchtu i vystaŭlać siabie ŭ trusach?» — zadajecca pytańniem adzin z padpisčykaŭ.
Inšyja kamientatary zasiarodzilisia na detalach harderoba:
«A navošta trusy tak vysoka naciahvać?», «Mnie ŭ vieraśni 60, pajdu pa trusy», «Z takoj prezientacyjaj trusy ŭvohule lišnija».
Źviarnuli ŭvahu i na styl artysta:
«A soncaachoŭnyja akulary — kab nie aślepnuć ad źziańnia svajho adlustravańnia ŭ lusterku?», «I tamu ty nadzieŭ akulary ŭ pamiaškańni i naciahnuŭ trusy da šyi, kab ciabie drazdy nie paznali i nie pavialičyli kolkaść sparvańniaŭ?»
Značnaja častka kpinaŭ tyčyłasia mienavita seksualnych pośpiechaŭ śpievaka:
«Čamu ŭsie nakinulisia na čałavieka? Vam nie soramna? Nu zrabiŭ čał abdrukoŭku — chacieŭ napisać: «seks 12—15 chvilin na tydzień». Sami ž viedajecie, jak T9 moža ŭvieś tekst sapsavać»,
«9—12 razoŭ u niadzielu — heta dobra. A ŭ budnyja dni što robicie?»
Niekatoryja čytačy, nie acaniŭšy humaru, pierajšli da surjoznaj krytyki:
«Skažycie, a hetaja chreń, jakuju vy apisvajecie, ź jakoha vieku pačynajecca? Prosta kab viedać, da čaho rychtavacca».
«Pakazaŭ heta starejšamu synu, daŭ zapasny kluč ad zbrojevaha siejfa, paprasiŭ zastrelić mianie biez žalu, kali stanu vykładvać takija fota… heta budu ŭžo nie ja», — kateharyčna dadaje inšy čytač.
Ale bolšaści karystalnikaŭ tred spadabaŭsia mienavita jak krynica viesiałości:
«Zajšła dziela kamientaryjaŭ, nie paškadavała», «Pamierła ad śmiechu, čytajučy kamientaryi dziaŭčat!!!», «Navat nie źbiraŭsia zachodzić u kamientary… U vyniku da śloz!», «Boža, bieražy kamientataraŭ».
Niekatoryja źviarnuli ŭvahu na niestykoŭku ŭ ličbach: «Pahuhliŭ, kali ty naradziŭsia, akazałasia, na 26 dzion raniej za mianie. Z druhoha boku, vychodzić, mnie 53», — napisaŭ niechta. Znajšoŭsia taksama karystalnik, jaki śćviardžaje, što jaho plamieńnik vučyŭsia ŭ adnym kłasie z budučym artystam. Ale jamu ciapier 45 hadoŭ.
Karpanaŭ, u svaju čarhu, adkazaŭ z humaram: «Atrymlivajecca, ja vyrvaŭsia krychu napierad:)».
Bolš uvažlivyja zaŭvažyli i pracu z fotaredaktarami:
«Takoje adčuvańnie, što cieła ad adnaho čałavieka, nohi ad druhoha. Trusy ŭvohule z treciaha źniali)))».
«Fota adredahavana niebłaha, viadoma, ale žycharoŭ Threads zapalili. Kamientary — prosta puška-bomba».
«Sa mnoj takoje ŭpieršyniu, užo vybiraju novyja trusy», — adžartvajecca Karpanaŭ i aktyŭna łajkaje ŭsie kavierznyja zaŭvahi.
«Vydychaj, bratan, užo možna, usie ŭsio zrazumieli, što ty kruty», — padtrymaŭ Karpanava niechta z padpisčykaŭ. Muzyka ž u adkaz paabiacaŭ, što hety pierformans jašče nie skončany i napieradzie čakajuć novyja siurpryzy.
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska4
Kamientary