Горды пост саліста «Драздоў» пра сваю сэксуальную магутнасць скончыўся фіяска
Вось што давялося выслухаць спеваку.
«Сёння мне споўнілася 53 гады! «Дразды» на гастролях і ў выдатнай форме! Сэкс 9—12 разоў на тыдзень! Трымаем шэраг!» — горда напісаў саліст гурта «Дразды» Віталь Карпанаў у сваім Threads.
Варта адразу заўважыць, што насамрэч Віталь нарадзіўся 12 студзеня 1982 года. Такім чынам, яму 44 гады, а дзень народзінаў даўно прайшоў. Аднак карыстальнікі на гэты відавочна правакацыйны ўкід не звярнулі ўвагі і адразу кінуліся ў абмеркаванне. У выніку пост за пяць дзён набраў звыш 310 тысяч праглядаў. Але лайкалі людзі не запіс, а кплівыя каментары.
«А якая хвароба прымушае людзей пісаць усю гэтую лухту і выстаўляць сябе ў трусах?» — задаецца пытаннем адзін з падпісчыкаў.
Іншыя каментатары засяродзіліся на дэталях гардэроба:
«А навошта трусы так высока нацягваць?», «Мне ў верасні 60, пайду па трусы», «З такой прэзентацыяй трусы ўвогуле лішнія».
Звярнулі ўвагу і на стыль артыста:
«А сонцаахоўныя акуляры — каб не аслепнуць ад ззяння свайго адлюстравання ў люстэрку?», «І таму ты надзеў акуляры ў памяшканні і нацягнуў трусы да шыі, каб цябе дразды не пазналі і не павялічылі колькасць спарванняў?»
Значная частка кпінаў тычылася менавіта сэксуальных поспехаў спевака:
«Чаму ўсе накінуліся на чалавека? Вам не сорамна? Ну зрабіў чал абдрукоўку — хацеў напісаць: «сэкс 12—15 хвілін на тыдзень». Самі ж ведаеце, як Т9 можа ўвесь тэкст сапсаваць»,
«9—12 разоў у нядзелю — гэта добра. А ў будныя дні што робіце?»
Некаторыя чытачы, не ацаніўшы гумару, перайшлі да сур'ёзнай крытыкі:
«Скажыце, а гэтая хрэнь, якую вы апісваеце, з якога веку пачынаецца? Проста каб ведаць, да чаго рыхтавацца».
«Паказаў гэта старэйшаму сыну, даў запасны ключ ад зброевага сейфа, папрасіў застрэліць мяне без жалю, калі стану выкладваць такія фота… гэта буду ўжо не я», — катэгарычна дадае іншы чытач.
Але большасці карыстальнікаў трэд спадабаўся менавіта як крыніца весялосці:
«Зайшла дзеля каментарыяў, не пашкадавала», «Памерла ад смеху, чытаючы каментарыі дзяўчат!!!», «Нават не збіраўся заходзіць у каментары… У выніку да слёз!», «Божа, беражы каментатараў».
Некаторыя звярнулі ўвагу на нестыкоўку ў лічбах: «Пагугліў, калі ты нарадзіўся, аказалася, на 26 дзён раней за мяне. З другога боку, выходзіць, мне 53», — напісаў нехта. Знайшоўся таксама карыстальнік, які сцвярджае, што яго пляменнік вучыўся ў адным класе з будучым артыстам. Але яму цяпер 45 гадоў.
Карпанаў, у сваю чаргу, адказаў з гумарам: «Атрымліваецца, я вырваўся крыху наперад:)».
Больш уважлівыя заўважылі і працу з фотарэдактарамі:
«Такое адчуванне, што цела ад аднаго чалавека, ногі ад другога. Трусы ўвогуле з трэцяга знялі)))».
«Фота адрэдагавана неблага, вядома, але жыхароў Threads запалілі. Каментары — проста пушка-бомба».
«Са мной такое ўпершыню, ужо выбіраю новыя трусы», — аджартваецца Карпанаў і актыўна лайкае ўсе каверзныя заўвагі.
«Выдыхай, братан, ужо можна, усе ўсё зразумелі, што ты круты», — падтрымаў Карпанава нехта з падпісчыкаў. Музыка ж у адказ паабяцаў, што гэты перформанс яшчэ не скончаны і наперадзе чакаюць новыя сюрпрызы.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ6
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары