Siarhieja Strybulskaha z «Biełaha lehijona» asudzili na try z pałovaj hady i dali vialiki štraf
U 2017 hodzie Strybulskaha aryštoŭvali pa «spravie «Biełaha lehijona».
26 traŭnia ŭ Mahilovie asudzili 50‑hadovaha palitviaźnia Siarhieja Strybulskaha. Jaho pryznali vinavatym pavodle č. 1 i 2 art. 361‑4 Kryminalnaha kodeksa (sadziejničańnie ekstremisckaj dziejnaści), piša «Viasna».
Sud pryznačyŭ jamu pakarańnie ŭ vyhladzie troch hadoŭ i šaści miesiacaŭ pazbaŭleńnia voli va ŭmovach uzmocnienaha režymu. Akramia źniavoleńnia, Strybulskamu vyniesieny vialiki štraf 550 bazavych adzinak (24 750 rubloŭ).
Siarhiej byŭ zatrymany 14 listapada 2025 hoda. Pieršapačatkova jon adbyŭ dva administracyjnyja aryšty, ale ŭžo 12 śniežnia jaho zatrymali znoŭ u miežach kryminalnaj spravy. Da sudu mužčyna ŭtrymlivaŭsia ŭ mahiloŭskaj turmie №4.
Heta daloka nie pieršy vypadak cisku na aktyvista: u 2017 hodzie jon byŭ fihurantam rezanansnaj «spravy Biełaha lehijona» i pravioŭ u SIZA 99 dzion, pakul spravu nie zakryli. U 2021 hodzie ŭ jaho kanfiskoŭvali techniku, a ŭ sakaviku 2022 hoda — napiaredadni Dnia Voli — Siarhieja znoŭ zatrymali i asudzili na 15 sutak. Tady jon raskazaŭ siabram, što padčas zatrymańnia siłaviki źbivali jaho i katavali tokam.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii16
Kamientary