U Minsku pradajecca mini-kvatera ŭsiaho za 33 tysiačy dalaraŭ
Takich cen na druhasnym rynku ŭ Minsku ciapier prosta niama. Samyja niedarahija adnapakajoŭki buduć kaštavać u 2—2,5 raza daražej, piša Realt.by.
Kvatera raźmieščanaja na pieršym paviersie dzieviacipaviarchovaha panelnaha doma 1977 hoda pabudovy pa adrasie: vulica Ubareviča, 148/2. Heta niepadalok ad MKAD.
Mienavita tut ciapier pradajecca kvatera-studyja. Žyllo maksimalna kampaktnaje. Jaho płošča składaje ŭsiaho 11,8 kvadrata. Na hetaj płoščy ŭładalnik raźmiaściŭ kresła-łožak, mini-kuchniu, prałku, ubudavanuju šafu, a taksama asobny sanvuzieł z dušavoj.
U kvatery zrobleny ramont — tut zamienieny kamunikacyi, praviedziena elektrapravodka i vientylacyja, ustanoŭleny ŭnutranyja pieraharodki. Žyllo znachodzicca na vysokim pieršym paviersie, uvachod u studyju — z padjezda.
Čamu ž kvateru pradajuć pa davoli nizkaj canie? Ci tolki z-za nievialikaj płoščy? Reč u tym, što studyja znachodzicca ŭ niežyłym fondzie. U abjavie adznačajecca, što pamiaškańnie (faktyčna — biznes-apartamienty) možna vykarystoŭvać dla ŭłasnaha pražyvańnia, zdačy ŭ arendu abo dla pracy.
Darečy, zaraz studyja ŭžo zdajecca ŭ arendu za 230 dalaraŭ za miesiac. Udakładniajecca, što kamunalnyja płaciažy ŭzimku nie pieravyšajuć 100 rubloŭ z ulikam aciapleńnia i elektryčnaści.
Košt hetaj kvatery — 90 tysiač rubloŭ, abo 33 tysiačy dalaraŭ. Pry hetym kvadratny mietr vychodzić nie takim užo i tannym — 7692 rubli, abo $2797.
Adznačym, što takija pamiaškańni možna pieravieści ź niežyłoha fondu ŭ žyły. Padobnyja pasłuhi akazvajuć niekatoryja ahienctvy nieruchomaści.
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary