Kamanda VULITSA EZHA abviaściła, što spyniaje pracu na hastraplacoŭcy «Lepšaja vulica». Pra heta paviedamlajecca ŭ instahramie prajekta.
«Try hady, napoŭnienyja sustrečami, uśmieškami, tvorčaściu i niepadrobnaj enierhijaj, byli dla nas nievierahodnym padarožžam. Try hady, pryśviečanyja hetamu prajektu, my tvaryli ź vialikim zapałam i luboŭju, i bačyli, jak vaša padtrymka i aktyŭny ŭdzieł napaŭniali našu pracu sensam.
Kožny z vas staŭ častkaj našaj vialikaj siamji. Vy nie prosta hości, vy — tvorcy i duša hastraplacoŭki! Vy natchniali nas kožny dzień. My byli ščaślivyja bačyć, jak idei pieratvarajucca ŭ realnaść dziakujučy vašym vodhukam.
Choć šlach našaj kamandy tut zaviaršajecca, uspaminy ab praviedzienych razam dniach zastanucca ŭ našych sercach. My spadziajomsia, što vy paniesiacie z saboj čaścinku našaj ahulnaj historyi i jana budzie sahravać vas u budučyni», — havorycca ŭ zajavie.
Kamanda padziakavała ŭsim, chto byŭ ź joj uvieś hety čas. I anansavała novyja sustrečy na inšych prajektach.
Kamientary