Jeŭrasajuz abmiarkoŭvaje poŭnuju zabaronu marskich pieravozak rasijskaj nafty
U Jeŭrapiejskim sajuzie pačali abmiarkoŭvać mahčymaść uviadzieńnia poŭnaj zabarony na marskoje transpartavańnie rasijskaj nafty i jaje strachavańnie jeŭrapiejskimi kampanijami. Takaja miera moža zamianić dziejny miechanizm «cenavaj stoli» na naftu z Rasii, jaki z 1 lutaha źnižajecca da 44,10 dalara za baral. Pavodle krynic ahienctva Bloomberg, hetaja ideja razhladajecca ŭ miežach padrychtoŭki 20‑ha pakieta sankcyj suprać Maskvy, piša The Moscow Times.
Surazmoŭcy ahienctva adznačajuć, što poŭnaja zabarona marskich pieravozak istotna ŭzmocnić sankcyjny cisk i zrobić kantrol za vykanańniem abmiežavańniaŭ praściejšym. Na hetym fonie, a taksama z-za ŭzmacnieńnia sankcyj ZŠA i padzieńnia suśvietnych cen na naftu, dachody Rasii ad naftahazavaha ekspartu ŭ 2025 hodzie skaracilisia na čverć i dasiahnuli minimumu z časoŭ pandemii. Analityki miarkujuć, što ŭ 2026 hodzie biudžet RF moža niedaatrymać jašče niekalki tryljonaŭ rubloŭ.
Akramia nafty, u novym pakiecie sankcyj ES moža prapanavać dadatkovyja abmiežavańni suprać rasijskich bankaŭ, naftavych kampanij, kryptaservisaŭ i finansavych struktur u trecich krainach, jakija dapamahajuć abychodzić sankcyi. Taksama płanujecca pašyryć śpis sudnaŭ tak zvanaha cieniavoha fłotu Rasii.
Asobna razhladajecca mahčymaść upieršyniu zadziejničać miechanizm suprać abychodu sankcyj — u pryvatnaści, uvieści zabaronu na pastaŭki stankoŭ i radyjoabstalavańnia ŭ Kyrhyzstan, jaki staŭ klučavym tranzitnym punktam dla reekspartu tavaraŭ u Rasiju.
Krynicy taksama paviedamlajuć, što ES moža ŭvieści novyja handlovyja abmiežavańni ŭ dačynieńni da kampanij i tavaraŭ, patrebnych Rasii dla vytvorčaści ŭzbrajeńnia, a taksama zabaranić impart niekatorych rasijskich mietałaŭ.
Płanujecca, što 20‑y pakiet sankcyj budzie ŭzhodnieny da kanca lutaha. Adnak častka krain ES užo vykazała niazhodu ź idejaj zamianić cenavuju «stol» poŭnaj zabaronaj na marskija pieravozki rasijskaj nafty. Jeŭrakamisija pakul aficyjnych kamientaroŭ nie daje.
Jeŭrasajuz źbirajecca ŭvieści sankcyi suprać Kyrhyzstana za dapamohu Rasii
Rasijski tankier, efiektna zatrymany Francyjaj u Mižziemnym mory, adpuściać płavać dalej
Novy pakiet sankcyj suprać Rasii zaćvierdziać u hadavinu pačatku vajny
Cieniavy fłot Pucina pad pahrozaj — 14 krain Jeŭropy chočuć zabłakavać jaho ŭ Bałtyjskim mory
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary
cudoŭnaja navina, dziakuj EZ I ZŠA za kłopat, za luboŭ da Ukrainy i našaj Biełarusi . "Akienca mahčymaściaŭ" adčyniłasia treba im karystacca spadary !