23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
Hierman Matyjevič pracavaŭ achoŭnikam, lubiŭ anime, kampjutarnyja hulni i padarožžy. Ale ŭviesnu 2025 hoda jon pakinuŭ spakojnaje žyćcio i pajechaŭ na front u składzie rasijskich vojskaŭ.
Hierman Matyjevič naradziŭsia ŭ Smarhoni ŭ 2002 hodzie, ale paśla siamja pierajechała ŭ Astraviec. Miarkujučy pa źviestkach u sacsietkach, chłopiec skončyŭ Maładziečnienski dziaržaŭny kaledž.
U padletkavym uzroście sprabavaŭ rabić muzyku pad psieŭdanimam «Hierman Hromaŭ» i zachapiŭsia rep-kulturaj. Hierman šmat kamientavaŭ u repierskich supołkach i repościŭ novyja relizy.
Volny čas małady čałaviek baviŭ u anłajn-šutery Standoff 2. Jon pisaŭ u čatach, što hulaje z 2018 hoda i hatovy «šmat danacić» na hulniu. U pierapiskach Matyjevič časta byŭ ahresiŭnym, nie saromieŭsia ŭ vyrazach i abrazach. Niezadoŭha da śmierci pakidaŭ spačuvalnyja kamientary pad pastami pra śmierć rasijskich sałdat.
Hierman pracavaŭ achoŭnikam u pryvatnym achoŭnym pradpryjemstvie ŭ Maskvie, jakoje chvaliŭ za toje, što tam «možna zarabić, ničoha nie robiačy». Ale ŭ sakaviku ci krasaviku 2025 hoda vyrašyŭ pierajści ź virtualnych vojnaŭ na realnuju i pajšoŭ dabraachvotnikam na baku Rasii. Apošni raz jon źjaŭlaŭsia ŭ sietcy 18 krasavika 2025 hoda, pierad hetym vykłaŭšy niekalki fota, dzie jon paziruje sa zbrojaj.
Z supołki «Nie čakaj mianie z Ukrainy» stała viadoma, što biełarus zahinuŭ (paviedamleńnie pra jaho śmierć źjaviłasia ŭ listapadzie 2025 hoda).
«Naša Niva» — bastyjon biełaruščyny
PADTRYMAĆCiapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam11
Kamientary