U Homieli vadałaz vypadkova znajšoŭ u Sožy kostki mamantaŭ i bizonaŭ
Padčas trenirovačnaha pahružeńnia ŭ race Sož kala homielskaha ŭročyšča Šviedskaja Horka vadałaz Tavarystva ratavańnia na vodach Ściapan Žukaviec znajšoŭ niekalki kostak staražytnych žyvioł. Znachodki byli zroblenyja prykładna za 50 mietraŭ ad bieraha na hłybini 10—12 mietraŭ, piša Times.by.
Pavodle papiaredniaj acenki śpiecyjalistaŭ, siarod znojdzienych kostak jość pazvanok, rabro i frahmient skivicy mamanta, a taksama kostka piaredniaj kaniečnaści bizona. Samaja vialikaja znachodka — rabro — važyć kala troch kiłahramaŭ.
Vadałaz adznačyŭ, što heta nie pieršaja padobnaja znachodka ŭ hetym miescy. Niekalki hadoŭ tamu tut užo znachodzili čerap bizona, a letaś — častku pazvanočnika mamanta.
Archieołahi tłumačać, što padobnyja pareštki nie źjaŭlajucca redkaściu dla hetaha rajona. U ledavikovy pieryjad na terytoryi sučasnaha Paleśsia žyli mamanty, bizony, nasarohi, paŭnočnyja aleni, lasnyja słany i navat piačornyja lvy. Ciačeńnie raki mahło raźnieści ich kostki na značnyja adlehłaści, tamu źviazvać novyja znachodki z užo viadomymi pareštkami niama padstaŭ.
Paśla daśledavańnia kostki ačyściać, zakansiervujuć i pieradaduć u muziejnyja fondy. Ich płanujuć pradstavić na vystavie «Muziejny ekspanat» u pačatku nastupnaha hoda.
Staražytnyja suśliki jeli miasa mamantaŭ. Dokaz znajšli ŭ ich kakaškach
Hanibał pierajšoŭ praz Alpy na bajavych słanach, paćvierdzili archieołahi
U Biełaruś z Rasii sprabavali ŭvieźci bolš za tonu biŭniaŭ mamantaŭ
Znojdzieny pad Viciebskam bivień mamanta mahło prynieści tudy tałymi vodami
Pad Minskam stvaryli Park ledavikovaha pieryjadu
Kamientary